Mádeniet jáne sport ministrligi Sport jáne dene shynyqtyrý isteri komitetiniń tóraǵasy Serik Sápiev ne úshin tórt aiǵa eńbek demalysyn alǵanyn túsindirdi, - dep habarlaidy "Ult aqparat".
20 tamyzda Serik Sápievtiń bala kútimi boiynsha tórt aiǵa demalys alǵany belgili boldy. Onyń mindetin orynbasary Serik Jarasbaev atqarady.
Búgin, 21 tamyzda Sápiev tilshimen suhbat kezinde demalysqa shyǵý týraly sheshimdi otbasymen birge qabyldaǵanyn atap ótti.
"Eshkim jumystan ketýimdi suraǵan joq", - dedi komitet basshysy tiisti suraqqa jaýap bere otyryp. Aitýynsha, ol qazir Aqtaýda.
Buǵan deiin Telegram-daǵy Yedilov online arnasynda Sápievtiń ustalǵany týraly qaýesetter men boljamdar jalǵan ekeni jazylǵan bolatyn.
Serik Sápiev bul qaýesetter týraly habardar ekenin aitty.
"Meni ustady degen aqparat qaidan shyqqanyn múlde túsinbeimin. Demalysqa shyqsam da jumys istep, buqaralyq sportty damytyp júrmin. Kóbi dekrettik demalysqa shyǵatynyn bilemin, nege maǵan ǵana nazar aýdarylyp jatqanyn túsinbedim. Bári jaqsy", - dedi Sápiev.
Eske salaiyq, Serik Sápiev 2019 jyldyń qańtarynda Sport jáne dene shynyqtyrý isteri komitetine basshy bolyp taǵaiyndalǵan.
