Bas prokýrordyń orynbasary Áset Shyndaliev Ulttyq qaýipsizdik komitetiniń eks-basshysy Kárim Másimovtiń isine qatysty túsinikteme berdi, dep habarlaidy Sputnik Qazaqstan.
Májilis kýlýarynda jýrnalister qańtar oqiǵasynan keiin ustalǵan Kárim Másimov jaily esh maǵlumat joq ekenin, qazaqstandyqtardyń kóbi onyń shynymen qamaýda otyrǵanyna kúmándanatynyn aityp, nege halyqqa aqparat berilmei otyrǵanyn surady.
Shyndaliev Másimovtiń isin UQK tergep jatqanyn, oǵan "qupiia" degen grif berilgenin atap ótti. Iaǵni materialdar jariia etilmeidi.
"Bul is boiynsha barlyq kúdikti qamaýda otyr. Eshkim eshqaida ketken joq jáne jasyrynǵan joq. Is aiaqtaldy, qazir materialdarmen tanysý bastaldy", - dedi Shyndaliev májilis kýlýarynda.
Aitýynsha, Másimovtiń soty qashan ótetini ázirge belgisiz. Óitkeni aiyptalýshylardyń advokattarynyń is materialdarymen tanysý eki-úsh ai ýaqyt alýy múmkin.
25 tamyzda UQK komitettiń burynǵy basshylyǵy Kárim Másimovke, Ánýar Sadyqulovqa, Dáýlet Erǵojinge, Marat Ósipovke jáne laýazymdy adamdar D.M.Akipovke, N.K. Bekmuratqa qatysty qylmystyq isti tergeýdi aiaqtady.
Másimovtiń áreketteri Qylmystyq kodekstiń 175-baby 1-bóligi (memleketke opasyzdyq jasaý), 179-baby 3-bóligi (bilikti kúshpen basyp alý) jáne 362-baby 4-bóligi 3-tarmaǵy boiynsha (bilikti nemese laýazymdyq ókilettikterdi asyra paidalaný) saralandy.
6 qańtarda Kárim Másimov Ulttyq qaýipsizdik komiteti tóraǵasy qyzmetinen bosatyldy.
