Elorda mektepterinde oqýshylardy koronavirýsqa qarsy Pfizer preparatymen vaktsinatsiialaý júrip jatyr. Immýndaý erikti túrde júrgiziledi, bul rette balasynyń ekpe alýy kezinde ata-analarynyń qatysýyna múmkindik berildi, dep habarlaidy qala ákimdiginiń resmi saity.
Oqýshylar vaktsinatsiia olardyń densaýlyǵyna alańdamai, emin-erkin júrýine múmkindik beretinin aitady.
«Búgin koronavirýsqa qarsy Pfizer vaktsinasyn alamyn. Azdap qobaljyǵanym ras. Biraq ekpeniń kómegimen pandemiia jaǵdaiyna qaramai kóshelerde emin-erkin júre alatynymdy bilemin. Men ekpe almaǵan balalarǵa qaraǵanda kóbirek múmkindikke ie bolamyn jáne aýyryp qalýdan qoryqpaimyn», - dedi mektep oqýshysy Olga Býtakova.
Oqýshynyń anasy Iýliia Býtakova KVI-ge qarsy ekpeni kezeksiz alý múmkindigi berilgenine qýanyshty ekenin jasyrmady.
«Búgin Pfizer vaktsinasyn alamyn. Bul óz densaýlyǵymdy bolashaqta qaýipsiz etedi dep sanaimyn», - dep oqýshy Dinara Amangeldi óz oiymen bólisti.
Óz kezeginde ata-analar balalaryna vaktsinatsiia kezinde qatysýǵa múmkindik bergeni úshin alǵys aitty.
«Balam Pfizer ekpesin alady. Vaktsinatsiia mektep qabyrǵasynda ótip, oǵan ata-analardyń qatysýyna múkindik bergenine rizamyn. Pfizer vaktsinasyna senemin, sondyqtan eshnárseden qoryqpaimyn», - dedi Ásemgúl Ábdihalyqova.
Synyp jetekshisi Zeinep Istemesovanyń aitýynsha, óz oqýshylarynyń ekpe alýy ózge balalardyń qoryqpaýy úshin úlgi bolady.
«Synybymdaǵy oqýshylar búgin vaktsinatsiiadan ótip jatyr. Bul balanyń densaýlyǵy úshin mańyzdy dep esepteimin. Ekpe alǵandar COVID-19 virýsyn juqtyrǵannyń ózinde aýrýdy jeńil ótkizedi. Oqýshylarymnyń ekpe alýy ózgelerge úlgi bolady», - dedi ol.
Aita keteiik, elordada júkti, bala emizetin áielderdi jáne balalardy Pfizer preparatymen vaktsinatsiialaý 15 qarashada bastaldy.
