El Táýelsizdiginiń 30 jyldyǵyna orai kórnekti jazýshy, ekinshi dúniejúzilik soǵystyń ardageri, qazaq ádebieti tarihynda búginge deiin eń kóp roman (17) jazǵan jazýshy Iliias Esenberlinniń 6 tomdyq shyǵarmalar jinaǵy jaryq kórdi, dep habarlaidy Mádeniet jáne sport ministrliginiń baspasóz qyzmeti.
Jinaqqa jazýshynyń barlyq shyǵarmasy kirdi. Endi kez kelgen oqyrman «Kóshpendiler», «Altyn Orda» syndy tarihi epopeiamen qatar keńes úkimeti kezinde jaryq kórgen eńbekterdi qazaq jáne orys tilinde oqi alady.
Memleket basshysy Qasym-Jomart Toqaev oqyrmandarǵa arnaǵan úndeýinde Iliias Esenberlinniń eńbekterin tereń zertteýsiz qazaq tarihyn bilý múmkin emes ekenin atap ótti.
Jalpy Iliias Esenberlinniń kóptomdyǵyn basyp shyǵarý – oqyrman qaýym úshin mańyzdy mádeni oqiǵa. Jazýshynyń shyǵarmalary elimizde ǵana emes, alys-jaqyn shet memleketterde de keńinen tanylǵan. Búginge deiin Iliias Esenberlin kitaptary 7 million tirajben 30-dan astam tilge aýdaryldy. Bul bizdiń elimizdegi jazýshylardyń eńbekteri arasyndaǵy eń kóp taralym. Zerdeli tulǵa shyǵarmalarynyń tolyq jinaǵy bizdiń tarihi jadymyzdy jańǵyrtýǵa úles qosyp, jas urpaq arasynda týǵan elge degen súiispenshilik pen otansúigishtikti arttyrýǵa septigin tigizedi.
Tuńǵyp Prezident – Elbasy Nursultan Nazarbaev «Kóshpendiler» trilogiiasyn «qazaq halqy ómiriniń entsiklopediiasy»-dei kele, jazýshy shyǵarmashylyǵyna joǵary baǵa bergen edi.
