Qaraǵandyda ótken onlain-brifingte koronavirýstyq infektsiiaǵa qatysty jaǵdai týraly málimdeme jasaldy.
Oblystyq densaýlyq saqtaý basqarmasynyń basshysy Erjan Nurlybaev infektsiia juqtyrǵandardyń jaǵdaiy týraly baiandady, dep habarlaidy "Ult aqparat".
Qaraǵandy oblysy Densaýlyq saqtaý basqarmasynyń bastyǵy Erjan Nurlybaev áleýmettik jelilerde taratylatyn jalǵan habarlamalar týraly baiandady.
«Temirtaý qalasynda koronavirýstyq infektsiiany juqtyrýdyń 2 oqiǵasy tirkelgenni týraly aqparat jalǵan! Kún saiyn biz sizdermen epidemiologiia salasy boiynsha ózgerister týraly senimdi aqparat alý úshin kezdesip otyrmyz», - dedi Erjan Nurlybaev.
Vedomstvo basshysy óńir turǵyndaryn resmi túpnusqaǵa siltemesiz taratylatyn kúmándi aqparatqa senbeýge shaqyrdy. Sondai-aq, úreige boi aldyrmai, jalǵan aqparatty taratýǵa bolmaitynan eske saldy. Bul úshin Qazaqstan Respýblikasynyń qoldanystaǵy zańnamasyna sáikes qylmystyq jaýapkershilik qarastyrylǵan.
Qaraǵandy oblysynda koronovirýstyq infektsiia juqtyrýdyń 2 oqiǵasy tirkeldi.
Patsientter oqshaýlanǵan infektsiialyq bólimshede ornalasqan. Eki patsienttiń de jaǵdaiy qanaǵattanarlyq dep baǵalanady. Olar qajetti em alýda.
Qaraǵandy oblysynda táýlik boiy baqylaý jasalatyn karantinde 124 adam bar. Úi karantininde 31 adam, meditsinalyq baqylaýda ózin-ózi oqshaýlaýsyz – 249 adam, qashyqtyqtan monitoringte (kúndelikti qońyraý shalý) 277 adam.
Úi karantinindegi adamdar úshin Damumed qosymshasynda óziniń jai-kúiin monitoringileýge arnalǵan jańa qyzmet paida boldy. Paidalanýshy kúndelikti óziniń densaýlyǵy týraly aqparatty toltyrady, ol dereý emdeýshi dárigerge túsedi.
Sonymen qatar, qosymshada árbir paidalanýshy onlain testten óte alady. Ol koronavirýstyq infektsiiaǵa tán simptomdardyń bolýy nemese bolmaýy týraly birqatar suraqqa jaýap bere otyryp, dárigerdi shaqyrý kerek pe, álde joq pa ekenin anyqtaýǵa múmkindik beredi. Bul múmkindikter qosymshanyń jańa nusqasynda qoljetimdi.
Sondai-aq, basqarma basshysy maskalarǵa qatysty jaǵdai týraly da baiandady.
«Maskalar jergilikti óndirýshiden áleýmettik dárihanalarǵa túsip jatyr. Keshe 18 500 dana maskak jetkizildi. Sondai-aq áleýmettik dárihanalar josparly túrde dezinfektsiialaý quraldarymen qamtamasyz etiledi. Olar endi 26 naýryzda, beisenbi kúni jetkiziledi», - dedi Erjan Nurlybaev.
