Daryndy jas ánshi, «Golos deti» reseilik telejobasynyń jeńimpazy Erjan Maksim «Junior Eurovision» halyqaralyq án baiqaýynda aitatyn ánine klip túsirip jatyr. Bul týraly "Ult aqparat" «Habar 24» arnasyna silteme jasap habarlaidy.
Beinebaian Almaty qalasynyń kórikti jerleri men Abai atyndaǵy opera jáne balet teatrynda túsirilýde.
«Junior Eurovision» baiqaýynyń sharty boiynsha qatysýshylar esh jerde jariialanbaǵan 3 minýtqa deiingi kompozitsiiany tabiǵi daýysta oryndaýy qajet.
«Ánim ózime qatty unady. Kórermenderge, Qazaqstan halqyna unaidy dep oilaimyn. Jaqynda tyńdap baǵasyn beresizder. Tehnikalyq jaǵynan qiyndyǵy bar. Daýys kóteretin jerler de bar. Aýyr óleń dep aitýǵa da bolady. Maǵan ózime negizi sondai ánder unaidy», - deidi Erjan Maksim.
Kliptiń avtory – ýkrainalyq rejisser Aleksandr Flomboim. Qoiýshy –operatory kóptegen qazaqstandyq ánshilerge beinebaian túsirgen maman Stanislav Ilin. Beinebaiannyń mazmuny jaqsylyq, asqaq armandardyń oryndalýy jaiynda.
«Bul – Erjannyń alǵashqy klipi. Erjan ózin túsirilim alańynda erkin ustaidy. Kameradan qoryqpaidy. Ánniń mazmunyn ashyp, tyńdarmanǵa jetkizý úshin barymyzdy salýdamyz», - dedi qoiýshy-operator Stanislav Ilin.
Túsirilim protsesi barysynda ánshiniń anasy Gúlmira Álibek – únemi janynda. «Keshe semkamyz saǵat 5-6-da bastalǵan bolatyn. Búgin tańǵy 6-7-ge deiin túsirilimde boldy. Erjan endi kishkentai bala. Qatty sharshaidy. Kútimi kerek arasynda. Óte úlken jaýapkershilik. Erjan kishkentai bolsa da, onyń bárin túsinip, bilip júr. Qobaljyp júr. Bar kúshin salyp, daiyndalyp jatyr», - dedi ol.
«Junior Eurovision» halyqaralyq balalar án baiqaýy 24 qarasha kúni Polshanyń Glivitse qalasynda bastalady. Jerlesimiz Erjan Maksim qatysatyn jas ánshiler jarysyn «Habar» telearnasy kórsetedi.
