دارىندى جاس ەنشٸ, «گولوس دەتي» رەسەيلٸك تەلەجوباسىنىڭ جەڭٸمپازى ەرجان ماكسيم «Junior Eurovision» حالىقارالىق ەن بايقاۋىندا ايتاتىن ەنٸنە كليپ تٷسٸرٸپ جاتىر. بۇل تۋرالى "ۇلت اقپارات" «حابار 24» ارناسىنا سٸلتەمە جاساپ حابارلايدى.
بەينەبايان الماتى قالاسىنىڭ كٶرٸكتٸ جەرلەرٸ مەن اباي اتىنداعى وپەرا جەنە بالەت تەاترىندا تٷسٸرٸلۋدە.
«Junior Eurovision» بايقاۋىنىڭ شارتى بويىنشا قاتىسۋشىلار ەش جەردە جارييالانباعان 3 مينۋتقا دەيٸنگٸ كومپوزيتسييانى تابيعي داۋىستا ورىنداۋى قاجەت.
«ەنٸم ٶزٸمە قاتتى ۇنادى. كٶرەرمەندەرگە, قازاقستان حالقىنا ۇنايدى دەپ ويلايمىن. جاقىندا تىڭداپ باعاسىن بەرەسٸزدەر. تەحنيكالىق جاعىنان قيىندىعى بار. داۋىس كٶتەرەتٸن جەرلەر دە بار. اۋىر ٶلەڭ دەپ ايتۋعا دا بولادى. ماعان ٶزٸمە نەگٸزٸ سونداي ەندەر ۇنايدى», - دەيدٸ ەرجان ماكسيم.
كليپتٸڭ اۆتورى – ۋكراينالىق رەجيسسەر الەكساندر فلومبويم. قويۋشى –وپەراتورى كٶپتەگەن قازاقستاندىق ەنشٸلەرگە بەينەبايان تٷسٸرگەن مامان ستانيسلاۆ يلين. بەينەباياننىڭ مازمۇنى جاقسىلىق, اسقاق ارمانداردىڭ ورىندالۋى جايىندا.
«بۇل – ەرجاننىڭ العاشقى كليپٸ. ەرجان ٶزٸن تٷسٸرٸلٸم الاڭىندا ەركٸن ۇستايدى. كامەرادان قورىقپايدى. ەننٸڭ مازمۇنىن اشىپ, تىڭدارمانعا جەتكٸزۋ ٷشٸن بارىمىزدى سالۋدامىز», - دەدٸ قويۋشى-وپەراتور ستانيسلاۆ يلين.
تٷسٸرٸلٸم پروتسەسٸ بارىسىندا ەنشٸنٸڭ اناسى گٷلميرا ەلٸبەك – ٷنەمٸ جانىندا. «كەشە سەمكامىز ساعات 5-6-دا باستالعان بولاتىن. بٷگٸن تاڭعى 6-7-گە دەيٸن تٷسٸرٸلٸمدە بولدى. ەرجان ەندٸ كٸشكەنتاي بالا. قاتتى شارشايدى. كٷتٸمٸ كەرەك اراسىندا. ٶتە ٷلكەن جاۋاپكەرشٸلٸك. ەرجان كٸشكەنتاي بولسا دا, ونىڭ بەرٸن تٷسٸنٸپ, بٸلٸپ جٷر. قوبالجىپ جٷر. بار كٷشٸن سالىپ, دايىندالىپ جاتىر», - دەدٸ ول.
«Junior Eurovision» حالىقارالىق بالالار ەن بايقاۋى 24 قاراشا كٷنٸ پولشانىڭ گليۆيتسە قالاسىندا باستالادى. جەرلەسٸمٸز ەرجان ماكسيم قاتىساتىن جاس ەنشٸلەر جارىسىن «حابار» تەلەارناسى كٶرسەتەدٸ.
