Qazaqstan Respýblikasy Úkimetiniń qaýlysymen Erjan Qaldybaiuly Qazanbaev basqa jumysqa aýysýyna bailanysty Qazaqstan Respýblikasynyń saýda jáne integratsiia vitse-ministri qyzmetinen bosatyldy.
Bul týraly QR Premer-Ministriniń baspasóz qyzmeti habarlady.
Erjan Qazanbaev 1983 jyly Almaty oblysynda dúniege kelgen. Almaty tehnologiialyq ýniversitetin, Aberdin ýniversitetin bitirgen.
Eńbek jolyn 2008 jyly «Ekspress Bank» AQ-da komplaens-baqylaýshy bolyp bastaǵan. Sondai-aq kommertsiialyq qurylymdarda jumys istedi.
2010 jyldan bastap 2019 jylǵa deiin QR Ekonomika jáne biýdjettik josparlaý jáne Ulttyq ekonomika ministrlikteriniń qurylymynda basshylyq laýazymdardy atqardy.
2020 jylǵy jeltoqsannan bastap qazirgi ýaqytqa deiin QR saýda jáne integratsiia vitse-ministri bolyp jumys istedi.
