Foto: primeminister.kz
Memleket basshysynyń Jarlyǵymen Erulan Kenjebekuly Jamaýbaev Qazaqstan Respýblikasy Premer-Ministriniń orynbasary – Qarjy ministri laýazymyna taǵaiyndaldy, dep habarlaidy "Ult aqparat" Aqordanyń baspasóz qyzmetine silteme jasap.
Erulan Kenjebekuly Jamaýbaev 1974 jyly 25 naýryzda Almaty oblysynda dúniege kelgen.
1995 jyly Qazaq memlekettik basqarý akademiiasyn «Qarjy jáne kredit» mamandyǵy boiynsha támamdaǵan, 2009 jyly T. Rysqulov atyndaǵy Qazaq ekonomikalyq ýniversitetinde «Iskerlik ákimshilendirý» mamandyǵy boiynsha magistr dárejesin alǵan.
Eńbek jolyna 1996 jyly Qazaq memlekettik basqarý akademiiasynyń oqytýshysy bolyp bastaǵan.
1998-2014 jyldary – QR Ulttyq banki Zertteýler jáne statistika departamentiniń jetekshi sarapshysy, bas sarapshysy, bas maman-sarapshysy, basqarma basshysy, direktordyń orynbasary, Úilestirý departamentiniń direktory.
2014-2015 jyldary — «Qazaqstannyń turǵyn úi qurylys jinaq banki» AQ-nyń basqarýshy direktory.
2015-2018 jyldary — QR Prezidenti Ákimshiliginiń Áleýmettik-ekonomikalyq monitoring bólimi meńgerýshisiniń orynbasary, meńgerýshisi.
2018-2019 jyldary — QR Prezidentiniń kómekshisi.
2019 jylǵy naýryzdan bastap QR Qarjy ministrliginiń jaýapty hatshysy qyzmetin atqardy.
2020 jylǵy 18 mamyrda QR Prezidentiniń Jarlyǵymen QR qarjy ministri bolyp taǵaiyndaldy.
2021 jyly 18 qańtarda QR Prezidentiniń Jarlyǵymen qarjy ministri bolyp qaita taǵaiyndaldy.
QR Prezidentiniń 2022 jylǵy 11 qańtardaǵy Jarlyǵymen QR qarjy ministri bolyp qaita taǵaiyndaldy.
