QR Qarjy ministrliginiń alqa májilisinde vedomstvo basshysy Erulan Jamaýbaev byltyr bolǵan aýditorlyq is-sharalar qorytyndylaryn jariialady, dep habarlaidy QazAqparat.
Memlekettik aýditke toqtalǵan ministr, 2020 jyly kameraldyq baqylaýmen 10,4 trln teńgeniń 1,4 mln memlekettik satyp alý rásimderi qamtylǵanyn aitty. Osy oraida 983 mlrd teńgege talaptardy buzýshylyqtarǵa jol berilmedi.
«Aýditorlyq is-sharalar qorytyndylary boiynsha
251 mlrd teńgege qarjylyq buzýshylyqtar anyqtaldy, onyń 75 paiyzy býhgalterlik esep pen qarjylyq eseptilikti júrgizý kezindegi ereje buzý jaǵdaiyna tiesili. Taýarlar jetkizýmen, qyzmetter kórsetýmen jáne jumystar oryndaýmen qalpyna keltirý, biýdjetke óteý jáne esep boiynsha kórsetý jolymen 237 mlrd teńgege talaptardy buzýshylyqtar joiyldy», - dedi E. Jamaýbaev.
Onyń aitýynsha, atalǵan kemshilikter úshin 2 349 laýazymdy tulǵa jaýapkershilikke tartyldy. Aýdit nysandary qyzmetiniń tiimdiligin arttyrý úshin shamamen 2 myńǵa jýyq usynym berildi.
