Óskemende 10 jasar bala sýǵa batyp ketti, dep habarlaidy "Ult aqparat" ShQO tótenshe jaǵdailar departamentiniń baspasóz qyzmetine silteme jasap.
Vedomstvodan málim etkendei, balalar «Paseka» sharýa qojalyǵy mańynda Ertis ózeniniń saǵasynda shomylyp júrgen.
«7 jáne 10 jasar eki bala aǵyspen aǵyp ketip, kómekke shaqyrǵan. Jaǵada júrgen kýágerler 7 jasar balany sýdan alyp shyqqan, al 10 jasar bala aǵyspen aǵyp ketti», - dep túsindirdi ShQO TJD-dan.
Oqiǵa ornyna kelgen qutqarýshylar balanyń denesin uzaq izdegen, sebebi qaiǵyly jaǵdai dál qai jerde bolǵanyn eshkim kórsete almaǵan. Onyń máiiti sýǵa batyp ketken jerden 150 metr qashyqtyqtan tabylyp, politsiiaǵa berildi.
ShQO TJD baspasóz qyzmeti osy jyldyń statistikasyn habarlady – oblys boiynsha 7 bala sýǵa batyp ketken. Óskemen jáne Semei qalalarynda - 2 baladan, Ulan, Glýbokoe jáne Zaisan aýdandarynda bir baladan sýǵa aǵyp ketken. 2019 jyly osy kezeńde ShQO-da tek bir bala sýǵa ketken edi.
«Balalardy sýǵa shomylýǵa jalǵyz jibermeńizder. Olarǵa tyiym salynǵan jerde sýǵa túsýge ruqsat etpeńizder. Balalardy júzýge úiretińizder. Sýda shomylǵanda arnaiy qaýipsizdik quraldaryn – jeńqap jáne jilet kigizińizder», - dep shaqyrdy qutqarýshylar.
