Pavlodar oblysynda Ertis ózenine batyp ketken 47 jastaǵy er adam tórt kúnnen keiin óli kúiinde tabyldy, dep habarlaidy ult.kz.
Qaiǵyly jaǵdai Sychevka aýyly mańynda bolǵan. Oqiǵadan keiin qutqarýshylar er adamdy izdeýge kirisip, ózenniń eki jaǵalaýyn boilai aýqymdy jumystar júrgizgen.
Jedel-qutqarý jasaǵynyń mamandary qaiyqpen Ertistiń 83 shaqyrym aýmaǵyn teksergen. Eholot kómegimen 16 900 sharshy metr sý aidyny zerttelse, jaǵalaýdyń 10 shaqyrym bóligi jaiaý qaralǵan.
Sonymen qatar súńgýirler sýǵa 34 ret túsip, ózen túbiniń 3 400 sharshy metr aýmaǵyn teksergen.
Tórt kúnge sozylǵan izdeý jumystarynyń nátijesinde er adamnyń denesi tabylyp, sýdan shyǵaryldy. Izdestirý jumystaryna tórt qutqarýshy, bir tehnika jáne bir júzý quraly jumyldyrylǵan.
