Pavlodar oblysynyń ákimi Ábilqaiyr Sqaqov Aqtoǵai aýdanynyń turǵyny Andrei Karandashovqa alǵys aityp, úsh bólmeli páterdiń kiltin syilady, dep habarlaidy QazAqparat.
Tótenshe jaǵdai 15 shilde kúni Aqtoǵai aýdanynyń Prirechensk aýylynda bolǵan.
Bir otbasynyń jeti jasar egiz uly men olardyń toǵyz jasar aǵasy Ertiske batyp kete jazdady.
Aýyldastarynyń jedel áreketiniń arqasynda balalardyń úsheýi de aman qaldy.
Ol baldyrǵandarǵa oqiǵa ornynda alǵashqy meditsinalyq kómek te kórsetti.
Oblys ákimi Andrei Karandashovqa «Oblys aldynda sińirgen eńbegi úshin» tósbelgisi men úsh bólmeli úidiń kiltin syilap, erligi úshin alǵys aitty.
«Bul - erlik qana emes, biz úshin baǵa jetpes jáne siz qutqarǵan balalar úshin asa mańyzdy naǵyz qaharmandyq áreket. Óńirimizde siz siiaqty azamattar bolǵanyna maqtanamyn. Ata-anańyzǵa ózińizdei elimizdiń adal azamatyn tárbielegeni úshin kóp rahmet. Sizge óńir turǵyndarynyń atynan alǵys aitamyn», - dedi Ábilqaiyr Sqaqov.
Andrei Karandashov - Aqtoǵai aýdanyndaǵy Prirechensk aýylynyń týmasy.
Otbasynda eki bala tárbielep otyr. Qazirgi kezde «Aqtoǵai-Agro» JShS-de jumys isteidi. Osy ýaqytqa deiin onyń otbasy jaldamaly úide turǵan edi.
Buǵan deiin otyz úsh jasar aýyl turǵynyn Pavlodar oblysynyń tótenshe jaǵdailar departamentinde jáne Aqtoǵai aýdanynyń ákimdigi marapattaǵan edi.
