پاۆلودار وبلىسىنىڭ ەكٸمٸ ەبٸلقايىر سقاقوۆ اقتوعاي اۋدانىنىڭ تۇرعىنى اندرەي كارانداشوۆقا العىس ايتىپ, ٷش بٶلمەلٸ پەتەردٸڭ كٸلتٸن سىيلادى, دەپ حابارلايدى قازاقپارات.
تٶتەنشە جاعداي 15 شٸلدە كٷنٸ اقتوعاي اۋدانىنىڭ پريرەچەنسك اۋىلىندا بولعان.
بٸر وتباسىنىڭ جەتٸ جاسار ەگٸز ۇلى مەن ولاردىڭ توعىز جاسار اعاسى ەرتٸسكە باتىپ كەتە جازدادى.
اۋىلداستارىنىڭ جەدەل ەرەكەتٸنٸڭ ارقاسىندا بالالاردىڭ ٷشەۋٸ دە امان قالدى.
ول بالدىرعاندارعا وقيعا ورنىندا العاشقى مەديتسينالىق كٶمەك تە كٶرسەتتٸ.
وبلىس ەكٸمٸ اندرەي كارانداشوۆقا «وبلىس الدىندا سٸڭٸرگەن ەڭبەگٸ ٷشٸن» تٶسبەلگٸسٸ مەن ٷش بٶلمەلٸ ٷيدٸڭ كٸلتٸن سىيلاپ, ەرلٸگٸ ٷشٸن العىس ايتتى.
«بۇل - ەرلٸك قانا ەمەس, بٸز ٷشٸن باعا جەتپەس جەنە سٸز قۇتقارعان بالالار ٷشٸن اسا ماڭىزدى ناعىز قاھارماندىق ەرەكەت. ٶڭٸرٸمٸزدە سٸز سيياقتى ازاماتتار بولعانىنا ماقتانامىن. اتا-اناڭىزعا ٶزٸڭٸزدەي ەلٸمٸزدٸڭ ادال ازاماتىن تەربيەلەگەنٸ ٷشٸن كٶپ راحمەت. سٸزگە ٶڭٸر تۇرعىندارىنىڭ اتىنان العىس ايتامىن», - دەدٸ ەبٸلقايىر سقاقوۆ.
اندرەي كارانداشوۆ - اقتوعاي اۋدانىنداعى پريرەچەنسك اۋىلىنىڭ تۋماسى.
وتباسىندا ەكٸ بالا تەربيەلەپ وتىر. قازٸرگٸ كەزدە «اقتوعاي-اگرو» جشس-دە جۇمىس ٸستەيدٸ. وسى ۋاقىتقا دەيٸن ونىڭ وتباسى جالدامالى ٷيدە تۇرعان ەدٸ.
بۇعان دەيٸن وتىز ٷش جاسار اۋىل تۇرعىنىن پاۆلودار وبلىسىنىڭ تٶتەنشە جاعدايلار دەپارتامەنتٸندە جەنە اقتوعاي اۋدانىنىڭ ەكٸمدٸگٸ ماراپاتتاعان ەدٸ.
