Foto: Polisia.kz
Pavlodar oblysy PD uiymdasqan qylmysqa qarsy kúres basqarmasynyń qyzmetkerleri “Ertis ormany” erekshe qorǵalatyn aýmaǵynda ormandy zańsyz kesý jáne urlaý faktilerin anyqtaý boiynsha jedel-izdestirý is-sharalary keshenin ótkizdi, – dep habarlaidy Polisia.kz.
Máselen, 18 qyrkúiekte oblystyq prokýratýranyń úilestirýimen “Ertis ormany” rezervaty boiynsha aýqymdy operatsiia júrgizilgen.
"Politsiia qyzmetkerleri “Ertis ormany” RMM-de, Shaldai jáne Besqaraǵai ormanshylyǵynda, sondai-aq birqatar basshylardyń turǵylyqty jeri boiynsha 20-ǵa jýyq sanktsiialanǵan tintý is-sharalaryn júrgizdi.
Tintý kezinde qujattamadan basqa atys qarýy, oq-dáriler jáne ózge de zattai dáleldemeler tárkilendi.
Qazirgi ýaqytta QK-niń 188-baby 2-bóligi boiynsha sotqa deiingi tergeý bastaldy" - delingen habarlamada.
Boljamdy málimetter boiynsha ormandy zańsyz kesýge “Ertis ormany” RMM-niń laýazymdy tulǵalary qatysty bolýy múmkin.
QPK-niń 201-babyna sáikes ózge de aqparat jariia etýge jatpaidy.
