Ertis ózeniniń betinde munai daǵynyń paida bolý sebebin quzyrly organdar anyqtaýǵa kiristi, dep habarlaidy QazAqparat tilshisi.
Oqiǵa ótken aptanyń jumasynda bolǵan. Ekologiialyq qaýipsizdik ortalyǵyna Ertistiń betinde janarmai daǵy paida bolǵany týraly dabyl túsedi. Sol kúni atalmysh ortalyq mamandary men ekologiia departamentiniń ókilderi oqiǵa basyna baryp, sýdyń betinen synamalar alǵan bolatyn. Júrgizgen taldaýlar sýdyń quramyndaǵy munaidyń úlesi mólsherden 60 ese artqanyn kórsetken. Aǵystyń sál joǵary bóliginde munaidyń sýdaǵy úlesi 14 ese kóp ekeni belgili boldy.
