Erteń iaǵni, 15 sáýirden bastap QR Qarjy ministrliginiń Memlekettik kirister komiteti jeke tulǵalardyń bank shottarynyń arasyndaǵy mobildi aqsha aýdarymdaryna monitoring júrgize bastaidy, dep habarlaidy QazAqparat.
«QR Qarjy ministriniń tiisti buiryǵynda bir adamnyń jeke tulǵa retinde ashqan bank shotyna 3 aidyń ishinde 100 jáne odan da kóp adamnyń bank shotynan aqsha aýdarylǵan bolsa, bul kásikeprlik qyzmetten paida tabý bolyp esepteletini aitylǵan», - delingen komitet habarlamasynda.
Kásipkerlik qyzmetti júzege asyrýdan tabys alý belgileri bar operatsiialarǵa jatqyzý ólshemsharttaryna mynalar kiredi:
1 (bir) jeke tulǵanyń qatarynan kúntizbelik 3 aidyń ishinde 100 (júz) jáne odan da kóp ártúrli tulǵalardan kásipkerlik qyzmetti júzege asyrýǵa arnalmaǵan bank shotyna aqsha qarajatyn alýy», - dep jazylǵan qujatta.
Aita ketsek, Salyq kodeksiniń talaptary boiynsha, ekinshi deńgeidegi bankter 2025 jylǵa deiin salyq organdaryna jeke tulǵalardyń málimetterin kezeń-kezeńimen berýi kózdelgen. Bul protsess birneshe sanat boiynsha birneshe kezeńmen iske asyrylmaq.
1 kezeń – 2022jyldyń1 qańtarynan bastap 2023 jyldyń 1 qańtaryna deiin).Bul kezeńde memlekettik qyzmetishler men olardyń jubailary, memlekettik qyzmetshigeteńestirilgender men olardyń jubailary týraly málimetterdi beredi.
2 kezeń – 2023jyldyń 1 qańtarynan 2024 jyldyń 1 qańtaryna deiin. Bul aralyqta biýdjettik sala qyzmetkerleri men olardyń jubailary,kvazimemlekettik sektor qyzmetshileri men olardyń jubailary týraly málimetter beriledi.
3-kezeń – 2024 jyldyń 1 qańtarynan bastap 2025 jyldyń 1 qańtaryna deiin. Bul kezeńde Zańdy tulǵalardyńbasshylary men quryltaishylary, olardyń jubailary, jeke kásipkerler men olardyń jubailary týraly málimetter beriledi.
4 kezeń – 2025 jyldyń 1 qańtarynan bastalady. Bul kezde halyqtyń qalǵan sanattary týraly málimetter beriledi.
«2023 jyly ekinshi deńgeili baknter men jekelegen bank operatsiialaryn iske asyratyn uiymdar 1 kezeńge jatatyn tulaǵalardyń málimetterin ótkizedi dep josparlanyp otyr. Bul buiryqtyń jeke tulǵalardyń, parasatty salyq tóleýshilerdiń arasyndaǵy aqsha aýdarymdaryna qatysy joqekenin atap ótemiz. Qujat salyq monitoringiniń sapasyn arttyrýǵa, Qazaqstan Respýblikasy zańnamasynyń saqtalýyna jáne salyqtóleýdenjaltarýdyń aldyn alýǵa baǵyttalǵan», - dep jazylǵan komitet túsindirmesinde.
