QR Aqparat jáne qoǵamdyq damý ministri Dáýren Abaev erteńnen bastap barlyq oblysta jumysyn qaita bastaityn kásiporyndardyń tizimin jariialady, dep habarlaidy QazAqparat.
«Memleket basshysy ekonomikanyń keibir sektoryndaǵy kásiporyndardyń jumysyn qalpyna keltirýdi tapsyrǵan edi. Erteńnen bastap barlyq oblysta jáne 1 mamyrdan bastap Shymkent qalasynda ónerkásip salasyndaǵy kásiporyndar, qurylys kompaniialary, kólik, qoima jáne logistika salasyndaǵy kompaniialar, avtosalondar men STO-lar, ekinshi deńgeili bankter, notariýster men HQO-lar jumysyn bastaidy», - dedi Dáýren Abaev «Habar 24» arnasyndaǵy onlain baspasóz máslihatynda.
Eske sala ketsek, QR Prezidenti Qasym-Jomart Toqaev búgingi málimdemesinde tótenshe jaǵdai rejimi biylǵy 11 mamyrǵa deiin uzartylatynyn aitty.
