23 maýsymnan bastap elorda emhanalary josparly qabyldaý men naýqastardy qaraýdy toqtatady. Epidemiologiialyq jaǵdaidy eskere otyryp osyndai sheshim qabyldandy, dep habarlaidy "Ult aqparat" qala ákimdiginiń resmi saityna silteme jasap.
Atap aitqanda: eresekter men balalardy profilaktikalyq qabyldaý, onyń ishinde skriningter, josparly stomatologiialyq, ońaltý qyzmetteri, densaýlyq mektebi, meditsinalyq-áleýmettik qoldaý, MÁS qujat rásimdeý, kúndizgi bólimniń jumysy, josparly túrde aýrýhanaǵa jatqyzýǵa joldama berý, táýlik boiǵy jáne kúndizgi statsionar bar.
Mamandardyń josparly konsýltatsiialyq kómek kórsetýi onlain formatqa aýystyrylady.
Dispanserlik tirkeýde turǵan azamattarǵa qajetti retsept onlain berilip, dári-dármek úige deiin jetkizip beriledi. Halyqty vaktsinatsiialaý ekpeniń ulttyq kúntizbesi boiynsha josparly túrde júrgiziledi. Júkti áielderdi qabyldaý, ÝDZ skrining júrgizý shtattyq rejimde qalady. Qala emhanalary tek shuǵyl jáne KVI belgileri bar naýqastardy ǵana qabyldaidy.
Koronavirýstyń aýrý belgileri joq naýqastaryn emdeý úshin meditsina qyzmetkerleri beineqońyraý jáne bailanystyń basqa da arnalaryn paidalaný arqyly konsýltatsiia ótkizetin bolady. Aýrý belgileri baiqalǵan boida naýqastardy aýrýhanaǵa jatqyzady.
22 maýsymda qosymsha 200 oryndyq statsionar daiyndaldy. Qajettilik týyndaǵan jaǵdaida basqa da uiymdar statsionar retinde beiimdeledi.
