«Olimp» klinikalyq-diagnostikalyq zerthanalary 13 sáýirden bastap Nur-Sultan men Almaty qalalarynda koronavirýs boiynsha tegin testen ótýge bolatynyn jariia etti, - dep habarlady «Olimp» KDZ Facebook paraqshasynda.
«Qurmetti patsientter. 13 sáýirden bastap Almaty men Nur-Sultanda koronavirýs boiynsha tegin ekspres-testileýden ótýge bolatynyn habarlaimyz. Odan ótý úshin patsient www.cdl.kz saitynda anketa toltyrýy kerek. Densaýlyq saqtaý ministrliginiń epidemiologtary adamdar tobynyń epidemiologiialyq anyqtamasy negizinde tańdaidy. Artynsha bekitilgen tizimder «Olimp» KDZ-ǵa túsedi», - dep jazdy.
Tizimde bekitilgen patsientke bailanys ortalyǵynyń operatory habarlasyp, qai jerge qai ýaqytta kelýi kerektigin aitady.
«Operator nusqaǵan protsedýralyq kabinetke maska kiip, jeke kýálikti alyp, keshikpei kelý kerek. Kezekte turǵan adamdar bir-birinen 1,5-2 metr qashyqtyqta bolýy tiis. Protsedýralyq kabinetten ótkennen keiin koronavirýs boiynsha ekspres-test alynady. Analiz qorytyndysy anketada kórsetilgen poshtaǵa joldanady. Mańyzdy jait: Patsienttiń temperatýrasy bailanyssyz ólsheý quralymen júrgiziledi. Qyzýy kóterilip turǵan adamnan analiz alynbaidy. Ózdigimen protsedýralyq kabinetke, operatormen sóilespei kelýge bolmaidy», - dep eskertedi «Olimptan».
