Bilim jáne ǵylym ministrligi UBT bastalýyna bailanysty baspasóz máslihatyn ótkizip, biylǵy jańashyldyqtardy jariia etti, dep habarlaidy "Ult aqparat" Sputnik Qazaqstan agenttigine silteme jasap.
Túlekterdiń 75 protsenti UBT-ny qazaq tilinde tapsyrady
"Biyl 102 447 myń túlek UBT-ǵa qatysýǵa ótinish berdi. Onyń ishinde 77 223 oqýshy qazaq tilinde, iaǵni 75,4%-i, 25 178 túlek – orys tilinde, 24,6%, 46-sy aǵylshyn tilinde tapsyrady", — dedi QR BǴM "Ulttyq testileý ortalyǵy" RMQK direktory Ramazan Álimqulov.
UBT 167 pýnkte ótedi, onyń 48-i joǵary oqý oryndarynyń bazasynda, úsheýi – kolledjde, 116-sy orta mektepterde ornalasqan. UBT ótkizý kezinde 1206 aýditoriia jumyldyrylady. Barlyq aýditoriia 100 protsent daiyn. Beinekameralarmen, uialy telefon bailanysyn basatyn qurylǵylarmen, metall detektorlarmen jabdyqtalǵan.
UBT formaty esh ózgergen joq, bes pánnen turady. Úsheýi – mindetti, ekeýi tańdaý páni. Barlyǵy 120 suraq, túlekter úshin 140 ball jinaý múmkindigi saqtalady.
UBT 3 saǵat 50 minýtqa sozylady.
Appeliatsiia berý tártibi ózgermeidi
UBT ótkizý tehnologiiasynyń saqtalýyn baqylaý úshin óńirlerge bilim jáne ǵylym ministrliginiń 1815 ókili jiberildi. Sondai-aq jergilikti jerlerde memlleketik komissiialar qurylýda, olardyń sany – 1002 adam. Respýblikalyq appeliatsiialyq komissiianyń quramyna 55 adam kiredi. Jergilikti appeliatsiialyq komissiianyń quramy ótken jylmen salystyrǵanda 1500 adamǵa ulǵaiyp, 5010 adamdy qurap otyr.
"Jergilikti jerlerdegi komissiialar qandai da bir jaǵdai týyndasa, onyń jyldam sheshilýine septigin tigizedi dep oilaimyz", — dedi Álimqulov.
Apelliatsiia berý tártibi de ózgermeidi. Iaǵni, kelesi kúni saǵat 13.00 deiin ár túlek appeliatsiia berýge quqyly. Jergilikti appeliatsiialyq komissiia maquldaǵan jaǵdaida, materialdar respýblikalyq komissiiaǵa joldanady.
Alǵash ret Call-ortalyq jumys isteidi
Biyl alǵash ret Call-ortalyq iske qosyldy. Nómiri 8-800-080-71-77.
Jyldam aqparat almasyp, týyndaǵan problemalardy sheshýge kómektesedi.
"Jergilikti atqarýshy organdar shalǵai eldi mekenderde turatyn túlekterdi UBT pýnkterine jetkizýge, tamaq, úi-jaimen qamtamasyz etýge mindetti. Sonymen qatar, UBT barysyn baqylaǵysy keletin ata-analarǵa da jaǵdaiy jasaýy tiis", — dedi Álimqulov.
Testileý nátijesin Telegram-nan bilýge bolady
Testileý nátijesin burynǵydai Ulttyq testileý ortalyǵynyń saitynan bilýge bolady. Sonymen qatar biyl Telegram kómegimen de bilýge múmkindik bar. Ol úshin ár túlek óziniń jeke kodyn (IKT, individýalnyi kod testirýemogo) engizýi shart", — dep túsindirdi bilim jáne ǵylym vitse-ministri Ashat Aimaǵanbetov.
Telegram-kanaldyń ataýyn búgin keshke bilim jáne ǵylym ministrliginiń resmi saitynan qarap alýǵa bolady.
Sonymen qatar, testileý nátijeleri mail.kz saityna da shyǵady. Munda da ár túlek óziniń jeke kodyn engizýi kerek.
"Eshkimdi sheshindirip teksermeimiz"
"Eger metall ramkadan ótken kezde, arnaiy signal shyqsa, onda komissiia eki-úsh ret ótkizip, tekserýge quqyly. Biraq UBT tapsyratyn túlekterdi biz eshqashan sheshindirip teksergen emespiz, sheshindirmeimiz de. Buǵan úzildi-kesildi tyiym salynǵan", — dedi ministrlik ókili.
Dimash, Golovkin týraly týraly suraq bola ma?
Bilim jáne ǵylym ministrligi biyl testileý suraqtarynda shoý-biznes ókilderi týraly suraqtar bolmaitynyna sendirdi.
"Birinshiden, ministr osyndai suraqtar bolady dep ýáde bergen joq. Ekinshiden, UBT-da oqý saýattylyǵy degen pán bar, iaǵni oqýshy mátindi oqyp, túsinip, suraqtarǵa jaýap berýi kerek. Osyǵan bailanysty, onda tarihi tulǵalarǵa qatysty úzindi bolýy múmkin, biraq, jalpy, biyl shoý-biznes ókilderi kezdesetin mátinderdi qoldanǵan joqpyz. Barlyq test suraǵy mektep baǵdarlamasy aiasynda", — dedi Álimqulov.
