بٸلٸم جەنە عىلىم مينيسترلٸگٸ ۇبت باستالۋىنا بايلانىستى باسپاسٶز مەسليحاتىن ٶتكٸزٸپ, بيىلعى جاڭاشىلدىقتاردى جارييا ەتتٸ, دەپ حابارلايدى "ۇلت اقپارات" Sputnik قازاقستان اگەنتتٸگٸنە سٸلتەمە جاساپ.
تٷلەكتەردٸڭ 75 پروتسەنتٸ ۇبت-نى قازاق تٸلٸندە تاپسىرادى
"بيىل 102 447 مىڭ تٷلەك ۇبت-عا قاتىسۋعا ٶتٸنٸش بەردٸ. ونىڭ ٸشٸندە 77 223 وقۋشى قازاق تٸلٸندە, ياعني 75,4%-ٸ, 25 178 تٷلەك – ورىس تٸلٸندە, 24,6%, 46-سى اعىلشىن تٸلٸندە تاپسىرادى", — دەدٸ قر بعم "ۇلتتىق تەستٸلەۋ ورتالىعى" رمقك ديرەكتورى رامازان ەلٸمقۇلوۆ.
ۇبت 167 پۋنكتە ٶتەدٸ, ونىڭ 48-ٸ جوعارى وقۋ ورىندارىنىڭ بازاسىندا, ٷشەۋٸ – كوللەدجدە, 116-سى ورتا مەكتەپتەردە ورنالاسقان. ۇبت ٶتكٸزۋ كەزٸندە 1206 اۋديتورييا جۇمىلدىرىلادى. بارلىق اۋديتورييا 100 پروتسەنت دايىن. بەينەكامەرالارمەن, ۇيالى تەلەفون بايلانىسىن باساتىن قۇرىلعىلارمەن, مەتالل دەتەكتورلارمەن جابدىقتالعان.
ۇبت فورماتى ەش ٶزگەرگەن جوق, بەس پەننەن تۇرادى. ٷشەۋٸ – مٸندەتتٸ, ەكەۋٸ تاڭداۋ پەنٸ. بارلىعى 120 سۇراق, تٷلەكتەر ٷشٸن 140 بالل جيناۋ مٷمكٸندٸگٸ ساقتالادى.
ۇبت 3 ساعات 50 مينۋتقا سوزىلادى.
اپپەلياتسييا بەرۋ تەرتٸبٸ ٶزگەرمەيدٸ
ۇبت ٶتكٸزۋ تەحنولوگيياسىنىڭ ساقتالۋىن باقىلاۋ ٷشٸن ٶڭٸرلەرگە بٸلٸم جەنە عىلىم مينيسترلٸگٸنٸڭ 1815 ٶكٸلٸ جٸبەرٸلدٸ. سونداي-اق جەرگٸلٸكتٸ جەرلەردە مەمللەكەتٸك كوميسسييالار قۇرىلۋدا, ولاردىڭ سانى – 1002 ادام. رەسپۋبليكالىق اپپەلياتسييالىق كوميسسييانىڭ قۇرامىنا 55 ادام كٸرەدٸ. جەرگٸلٸكتٸ اپپەلياتسييالىق كوميسسييانىڭ قۇرامى ٶتكەن جىلمەن سالىستىرعاندا 1500 ادامعا ۇلعايىپ, 5010 ادامدى قۇراپ وتىر.
"جەرگٸلٸكتٸ جەرلەردەگٸ كوميسسييالار قانداي دا بٸر جاعداي تۋىنداسا, ونىڭ جىلدام شەشٸلۋٸنە سەپتٸگٸن تيگٸزەدٸ دەپ ويلايمىز", — دەدٸ ەلٸمقۇلوۆ.
اپەللياتسييا بەرۋ تەرتٸبٸ دە ٶزگەرمەيدٸ. ياعني, كەلەسٸ كٷنٸ ساعات 13.00 دەيٸن ەر تٷلەك اپپەلياتسييا بەرۋگە قۇقىلى. جەرگٸلٸكتٸ اپپەلياتسييالىق كوميسسييا ماقۇلداعان جاعدايدا, ماتەريالدار رەسپۋبليكالىق كوميسسيياعا جولدانادى.
العاش رەت Call-ورتالىق جۇمىس ٸستەيدٸ
بيىل العاش رەت Call-ورتالىق ٸسكە قوسىلدى. نٶمٸرٸ 8-800-080-71-77.
جىلدام اقپارات الماسىپ, تۋىنداعان پروبلەمالاردى شەشۋگە كٶمەكتەسەدٸ.
"جەرگٸلٸكتٸ اتقارۋشى ورگاندار شالعاي ەلدٸ مەكەندەردە تۇراتىن تٷلەكتەردٸ ۇبت پۋنكتەرٸنە جەتكٸزۋگە, تاماق, ٷي-جايمەن قامتاماسىز ەتۋگە مٸندەتتٸ. سونىمەن قاتار, ۇبت بارىسىن باقىلاعىسى كەلەتٸن اتا-انالارعا دا جاعدايى جاساۋى تيٸس", — دەدٸ ەلٸمقۇلوۆ.
تەستٸلەۋ نەتيجەسٸن Telegram-نان بٸلۋگە بولادى
تەستٸلەۋ نەتيجەسٸن بۇرىنعىداي ۇلتتىق تەستٸلەۋ ورتالىعىنىڭ سايتىنان بٸلۋگە بولادى. سونىمەن قاتار بيىل Telegram كٶمەگٸمەن دە بٸلۋگە مٷمكٸندٸك بار. ول ٷشٸن ەر تٷلەك ٶزٸنٸڭ جەكە كودىن (يكت, ينديۆيدۋالنىي كود تەستيرۋەموگو) ەنگٸزۋٸ شارت", — دەپ تٷسٸندٸردٸ بٸلٸم جەنە عىلىم ۆيتسە-مينيسترٸ اسحات ايماعانبەتوۆ.
Telegram-كانالدىڭ اتاۋىن بٷگٸن كەشكە بٸلٸم جەنە عىلىم مينيسترلٸگٸنٸڭ رەسمي سايتىنان قاراپ الۋعا بولادى.
سونىمەن قاتار, تەستٸلەۋ نەتيجەلەرٸ mail.kz سايتىنا دا شىعادى. مۇندا دا ەر تٷلەك ٶزٸنٸڭ جەكە كودىن ەنگٸزۋٸ كەرەك.
"ەشكٸمدٸ شەشٸندٸرٸپ تەكسەرمەيمٸز"
"ەگەر مەتالل رامكادان ٶتكەن كەزدە, ارنايى سيگنال شىقسا, وندا كوميسسييا ەكٸ-ٷش رەت ٶتكٸزٸپ, تەكسەرۋگە قۇقىلى. بٸراق ۇبت تاپسىراتىن تٷلەكتەردٸ بٸز ەشقاشان شەشٸندٸرٸپ تەكسەرگەن ەمەسپٸز, شەشٸندٸرمەيمٸز دە. بۇعان ٷزٸلدٸ-كەسٸلدٸ تىيىم سالىنعان", — دەدٸ مينيسترلٸك ٶكٸلٸ.
ديماش, گولوۆكين تۋرالى تۋرالى سۇراق بولا ما?
بٸلٸم جەنە عىلىم مينيسترلٸگٸ بيىل تەستٸلەۋ سۇراقتارىندا شوۋ-بيزنەس ٶكٸلدەرٸ تۋرالى سۇراقتار بولمايتىنىنا سەندٸردٸ.
"بٸرٸنشٸدەن, مينيستر وسىنداي سۇراقتار بولادى دەپ ۋەدە بەرگەن جوق. ەكٸنشٸدەن, ۇبت-دا وقۋ ساۋاتتىلىعى دەگەن پەن بار, ياعني وقۋشى مەتٸندٸ وقىپ, تٷسٸنٸپ, سۇراقتارعا جاۋاپ بەرۋٸ كەرەك. وسىعان بايلانىستى, وندا تاريحي تۇلعالارعا قاتىستى ٷزٸندٸ بولۋى مٷمكٸن, بٸراق, جالپى, بيىل شوۋ-بيزنەس ٶكٸلدەرٸ كەزدەسەتٸن مەتٸندەردٸ قولدانعان جوقپىز. بارلىق تەست سۇراعى مەكتەپ باعدارلاماسى اياسىندا", — دەدٸ ەلٸمقۇلوۆ.
