Erteń, 21 maýsym kúni Qazaqstannyń barlyq óńirinde Ulttyq biryńǵai testileý bastalady. Almaty qalasynda birinshi legke engen 235 adam emtihandy Abai atyndaǵy Qazaq ulttyq pedagogikalyq ýniversitetinde tapsyratyn bolady, dep habarlaidy "Ult aqparat".
Óńirlik kommýnikatsiialar qyzmetinen málim etkendei, UBT ótkizý kezinde barlyq sanitarlyq-epidemiologiialyq talaptar saqtalady.
Qalalyq Bilim basqarmasy men Almaty qalasynyń Taýarlar men qyzmetterdiń sapasy men qaýipsizdigin baqylaý departamentiniń COVID-19 infektsiiasynyń taralý qaýpin azaitýǵa bailanysty birlesip bekitken josparyna sáikes, Abai atyndaǵy QazUPÝ-de test tapsyrýshylarǵa dezinfektsiiadan ótý úshin 5 kezeńnen turatyn barlyq jaǵdailar jasalǵan:
- barrikadalyq shekteý lentalary ornatyldy jáne test tapsyrýshylar arasynda kem degende 2 metr qashyqtyqty saqtaý úshin synaqqa qatysýshylar sany eki esege azaityldy (50 paiyzǵa). Ol úshin 15 aýditoriia ázirlendi;
- teplovizorlar;
- bakteritsidti lampalar jáne árbir aýditoriiaǵa aýa retsirkýliatory;
- test tapsyrýshylar úshin qarapaiym maskalar;
- dezinfektsiialaý túneli;
- jedel járdem kóligi;
- denzinfektsiialyq tósenishter;
- qoldanylǵan maskalardy joiý úshin jáshikter;
- sanitaizerler;
- medpýnktte maskalar men salfetkalar qory;
- memlekettik komissiia músheleri úshin maskalar;
- barlyq aýditoriiada beinebaqylaý kameralary ornatylǵan.
Test ótkiziletin kúnderi TQSQBD qyzmetkerleri UBT ótkizý pýnktteriniń sanitarlyq- pidemiologiialyq jaǵdaiyn baqylaityn bolady.
Eske sala keteiik, Almatyda barlyǵy 14 972 adam test tapsyrady dep josparlanýda. Sonyń ishinde 9 047-si (97%) biylǵy jyldyń túlekteri bolsa, 5 925-i ótken jyldardyń jáne kolledjderdiń túlekteri.
