5 qazanda Shymkent qalasynan Qazaqstan Respýblikasy Parlamenti Senatynyń depýtattaryn sailaý ótedi, dep habarlaidy "Ult aqparat" Ortalyq sailaý komissiiasyna silteme jasap.
Ortalyq sailaý komissiiasynyń málimetinshe, kandidattardy tirkeý aǵymdaǵy jyldyń 4 qyrkúieginde aiaqtaldy. Oǵan sáikes 9 kandidat usynylyp, olardyń 8-i tirkelgen. Úmitkerler qatarynda «Bank TsentrKredit» AQ Shymkent qalalyq filialynyń basqarma bastyǵy Serik Aldanov, Shymkent qalalyq máslihatynyń hatshysy Nurlan Beknazarov , ýaqytsha jumyssyz Vladimir Doronin, «Global A» JShS direktory Bijan Jylkeldiev, «Mankent shipajaiy» AQ bas direktorynyń orynbasary Ǵani Qarabekov, Túrkistan oblysynyń Aýǵanstandaǵy soǵys ardagerleri odaǵynyń tóraǵasy Ǵalymjan Maiqanov, ýaqytsha jumyssyz Darhan Satybaldy jáne «Shymkent-saýda» JShS direktory Asqarbek Úrkimbaev bar.
Sailaý naýqany «Qazaqstan Respýblikasyndaǵy sailaý týraly» Qazaqstan Respýblikasynyń Konstitýtsiialyq zańyna sáikes ótkiziledi.
