Beisenbi kúni ÝEFA Ulttar ligasy D tobynyń 1-týry aiasynda Qazaqstan quramasy Grýziiany qabyldaidy. Búgin ulttyq qurama bas bapkeri Stanimir Stoilovtyń oiyn qarsańyndaǵy baspasóz máslixaty ótti, dep xabarlaidy QazAqparat tilshisi.
«Ulttar ligasy úlken fýtbol merekesine ainalady dep oilaimyn. Oiynshylar baryn salyp oinaidy. Qyzý daiyndyq júrgizip jatyrmyz. Biraq erteń jankúierlerdiń kóz aldynda, ulttyq qurama sapynda tósine eltańba taǵylǵan jeidemen oinaidy. Ol da oiynshylarǵa qosymsha áser etedi», - deidi Stanimir Stoilov.
Bapker erteń Qazaqstan quramasy jeńis úshin alańǵa shyǵatynyn aitty.
«Biz topty birinshi orynmen aiaqtaýǵa tiispiz. Erteń oiynnyń basynan aiaǵyna deiin uiymdasqan fýtbol kórsetýge áreket jasaimyz. Komandam kez kelgen taktikaǵa qarsy oinai alady. Iá, biz - jalpy týrnirde aýtsaidermiz, biraq shákirtterimniń deńgeii reitingtegi qazirgi orynnan áldeqaida joǵary», - deidi bapker.
Aita keteiik, Ulttar ligasy - ÝEFA-nyń jańa týrniri. Ol Eýropa qurama komandalarynyń joldastyq kezdesýleriniń ornyna uiymdastyrylyp otyr.
