Erteń elordada Memlekettik rámizder kúnine orai avtosherý ótedi

4 maýsym - Qazaqstan Respýblikasynyń rámizder kúnine orai astanada avtokólik sherýi ótedi, dep habarlaidy "Ult aqparat".

Erteń tańǵy saǵat 9-dan bastap «Memlekettik rámizder» jáne «Otan qorǵaýshylar» alańynda avtokólikter sherýi bastalady. Sherýdiń sońǵy núktesi - Esil ózeniniń jaǵalaýy.

Sharany uiymdastyrýshy - Jastar saiasaty máseleleri basqarmasynyń «Astana jastary» mekemesi.

Biyl memlekettik rámizderimizge 28 jyl tolady. Osyǵan orai Nur-Sultan qalasynyń jastar saiasaty máseleleri basqarmasynyń «Astana jastary» mekemesi 28 avtomobil men 28 mototsiklistiń qatysýymen saltanatty sherý ótkizedi.

Merekelik avtosherý úsh satydan turady.

Avtovolonterlerdiń bastapqy pýnkti – «Memlekettik rámizder» alańy, 28 shaqyrym qashyqtyq - merekeniń 28 jyldyǵyn bildiredi.

Ekinshi kezeńde volonterler Jeńistiń 75 jyldyǵyna orai Otan qorǵaýshylar alańynda ardagerlerimizdiń erligine taǵzym etip, 75 gúl shoǵyn qoiady.

Al úshinshi kezeńde avtosherý qatysýshylary Esil ózeniniń jaǵalaýynda merekeni jalǵastyryp, sý kóligimen 28 shaqyrym serýendeidi.

Avtosherý 2017 jyldan beri jyl saiynǵy dástúrge ainaldy.

Sherýge qatysatyn barlyq volonterler qajetti qorǵanys quraldarymen qamtamasyz etiledi.