Bilim jáne ǵylym ministrligi bilim berý grantyn taǵaiyndaý konkýrsyna qatysýshylarǵa úndeý jasady, dep habarlaidy "Ult aqparat".
Konkýrsqa qujattardy qabyldaý 16-25 shilde aralyǵynda júrgiziledi.
"Qurmetti bilim berý grantyn taǵaiyndaý konkýrsyna qatysýshylar!
App.testcenter.kz saityndaǵy Jeke kabinetińizden (UBT-ǵa tirkelgen kezdegi login/qupiiasózdi engizý arqyly) grantqa qatysý ótinishińizdiń mártebesin kóre alasyzdar.
Tańdalǵan joǵary oqý orny men bilim berý baǵdarlamalarynyń toptary (halyqaralyq sertifikattardyń eskerilýi, kvotalardyń qarastyrylýy, basym quqyq iegeri kategoriiasynyń belgilenýi - bar bolǵan jaǵdaida) syndy aqparatty kórýge bolady.
Aqparat shyqpaǵan jaǵdaida qujat qabyldaityn JOO retinde tańdaǵan oqý ornyna habarlasýyńyzǵa bolady", - delingen ministrlik habarlamasynda.
Eske salsaq, bilim grantyna qatysý úshin 100 myńǵa jýyq ótinish tústi.
Aita keteiik, konkýrsqa qatysý úshin qujattardy tapsyrý kezinde meditsinalyq anyqtama talap etilmeidi. Meditsinalyq anyqtamany tamyz aiynda ýniversitetke qabyldaý kezinde tapsyrý qajet. QR Bilim jáne ǵylym ministrligi memlekettik bilim grantyn taǵaiyndaý konkýrsyna ótinish berýge kómektesetin nusqaýlyqty jariialady.
