بٸلٸم جەنە عىلىم مينيسترلٸگٸ بٸلٸم بەرۋ گرانتىن تاعايىنداۋ كونكۋرسىنا قاتىسۋشىلارعا ٷندەۋ جاسادى, دەپ حابارلايدى "ۇلت اقپارات".
كونكۋرسقا قۇجاتتاردى قابىلداۋ 16-25 شٸلدە ارالىعىندا جٷرگٸزٸلەدٸ.
"قۇرمەتتٸ بٸلٸم بەرۋ گرانتىن تاعايىنداۋ كونكۋرسىنا قاتىسۋشىلار!
App.testcenter.kz سايتىنداعى جەكە كابينەتٸڭٸزدەن (ۇبت-عا تٸركەلگەن كەزدەگٸ لوگين/قۇپيياسٶزدٸ ەنگٸزۋ ارقىلى) گرانتقا قاتىسۋ ٶتٸنٸشٸڭٸزدٸڭ مەرتەبەسٸن كٶرە الاسىزدار.
تاڭدالعان جوعارى وقۋ ورنى مەن بٸلٸم بەرۋ باعدارلامالارىنىڭ توپتارى (حالىقارالىق سەرتيفيكاتتاردىڭ ەسكەرٸلۋٸ, كۆوتالاردىڭ قاراستىرىلۋى, باسىم قۇقىق يەگەرٸ كاتەگوريياسىنىڭ بەلگٸلەنۋٸ - بار بولعان جاعدايدا) سىندى اقپاراتتى كٶرۋگە بولادى.
اقپارات شىقپاعان جاعدايدا قۇجات قابىلدايتىن جوو رەتٸندە تاڭداعان وقۋ ورنىنا حابارلاسۋىڭىزعا بولادى", - دەلٸنگەن مينيسترلٸك حابارلاماسىندا.
ەسكە سالساق, بٸلٸم گرانتىنا قاتىسۋ ٷشٸن 100 مىڭعا جۋىق ٶتٸنٸش تٷستٸ.
ايتا كەتەيٸك, كونكۋرسقا قاتىسۋ ٷشٸن قۇجاتتاردى تاپسىرۋ كەزٸندە مەديتسينالىق انىقتاما تالاپ ەتٸلمەيدٸ. مەديتسينالىق انىقتامانى تامىز ايىندا ۋنيۆەرسيتەتكە قابىلداۋ كەزٸندە تاپسىرۋ قاجەت. قر بٸلٸم جەنە عىلىم مينيسترلٸگٸ مەملەكەتتٸك بٸلٸم گرانتىن تاعايىنداۋ كونكۋرسىنا ٶتٸنٸش بەرۋگە كٶمەكتەسەتٸن نۇسقاۋلىقتى جارييالادى.
