Búgin Jazýshylar odaǵynda aqyn, kompozitor, akter Ermurat Zeiiphannyń 50 jyldyǵy aiasynda atqarylatyn sharalar týraly press-konferentsiia ótti ári aqynnyń «Dúnie ǵapyl» atty shyǵarmalar jinaǵy jaryq kórdi.
Sharaǵa Halyq jazýshysy Qabdesh Jumadilov, QR Jazýshylar odaǵy tóraǵasynyń birinshi orynbasary Ǵalym Jailybai, Jazýshylar odaǵy tóraǵasynyń orynbasary Janarbek Áshimjan, qytaitanýshy, tarihshy-ǵalym Nábijan Muhamethanuly, aqyn Almasbek Ahmetbekuly qatysyp, Ermurat Zeiiphannyń shyǵarmashylyǵy men ómiri jaiynda keń maǵlumat berdi.
Qabyrǵaly qalamger Qabdesh Jumadilov: «Ermurat talantymen, taǵdyrymen, ónerimen jáne bólek bolmysymen bárimizdi moiyndatty. Ony kúni keshegi serilerdei kórdik. Óleńi qandai, prozasy qandai, ánderi qandai edi? «Kók týdyń jelbiregeni» búginderi barsha qazaqtyń jatqa aitatyn ánine ainaldy. «Kúnes-aiy» týǵan jer týraly quiylyp túsken biregei týyndy edi. Onyń 70-ke jýyq áni bar, oryndaýshysy tabylsa eldiń rýhyn kóteretin súbeli týyndylarǵa kende emes. Óleńderindegi syrbazdyq, shynshyldyq jaiynda áli de bolsa tereńirek zertteý kerek», – dedi.
Al N. Muhamethanuly: «Naǵyz patriot kim dese – Ermuratty, naǵyz degdar jan kim dese – Ermuratty, naǵyz qarapaiym óner iesi kim dese – taǵy da Ermuratty aitýǵa bolady. Ol óziniń adal da shynaiy bolmysymen bárimizge syiymdy, úlgi bolǵan azamat», – dedi.
Aldaǵy sársenbi kúni keshki saǵat 18.00-de Áýezov teatrynda Ermurat Zeiiphandy eske alýǵa arnalǵan «Eki dúniede jalǵyzym – Qazaqstan» atty shyǵarmashylyq kesh ótedi. Keshte belgili óner juldyzdary Ermurat Zeiiphannyń ánderin shyrqaidy.
"Ult aqparat"
