Foto: Májilis
QR Parlamenti Májilisiniń depýtaty Ermurat Bapi elimizde jii aitylatyn «Prezident ishki máselelerdi ysyryp qoiyp, syrtqy saiasatqa kóbirek kóńil bóledi» degen pikirlerdi synǵa aldy. Onyń aitýynsha, mundai ýájder bilik júiesiniń qalai jumys isteitinin tolyq túsinbeitinderdiń sózi.
«Qazirgi álem alasapyran jaǵdaidy bastan keship jatyr. Jahandyq saiasat kún saiyn qubylady. AQSh pen Qytai arasyndaǵy strategiialyq turǵyda báseke kúsheidi. Taiaý Shyǵysta jaǵdai ýshyǵyp tur. Reseige salynǵan álemdik sanktsiialardyń salqyny kórshi elderge tiip jatyr. Osyndai qiyn zamanda syrtqy saiasat – el qaýipsizdigin qamtamasyz etýdiń birden-bir tetigi», - deidi depýtat.
Ermurat Bapi Qazaqstannyń geosaiasi ornyn da eske saldy:
«Biz eki alpaýyt – Resei men Qytaidyń arasynda ornalasqan elmiz. Álem boiynsha 9 orynda turǵan ulan-ǵaiyr jerimiz, bai tabiǵi resýrsymyz bar. Al halqy – salystyrmaly túrde az memleketpiz. Iaǵni, Qazaqstan – geosaiasi turǵyda óte mańyzdy, báriniń nazarynda turǵan memleket. Sondyqtan Prezidenttiń sheteldermen teń dárejede saliqaly ári belsendi qarym-qatynas júrgizýi – táýelsizdigimiz ben tynyshtyǵymyzdyń kepili», - deidi májilismen.
Maqalada ol Qasym-Jomart Toqaevtyń belsendi syrtqy saiasatymen qatar, ishki reformalar men áleýmettik máselelerdi de qatar alyp júrgenin naqty derektermen kórsetken. Mysaly, sońǵy eki aida Prezident 18 resmi is-sharaǵa qatysyp, 23 adamdy qabyldap, 31 zańǵa qol qoiyp, óńirlerdi aralap, halyqpen kezdesken. Sonymen qatar, osy aralyqta tórt ret shetelge sapar jasap, úsh halyqaralyq sammitke qatysyp, ondaǵan mańyzdy qujattarǵa qol qoiǵan.
«Toqaev úlken eldiń bir aimaǵyn basqaryp otyrǵan joq, ol – geosaiasi ahýal myń qubylǵan zamanda táýelsiz memlekettiń qaýipsizdigin, egemendigi men aýmaqtyq tutastyǵyn saqtaýǵa jaýapty tulǵa. Ony belsendi, pragmatikalyq jáne sarabdal syrtqy saiasatsyz jasaý múmkin emes. Árbir halyqaralyq kezdesý, ár sammit, Prezidenttiń saparlary – osy basty múddelerdi qorǵaýǵa baǵyttalǵan qadamdary. Qiyn kezeńde ol irgeles eldermen de, Eýroodaq múshelerimen de, Islam – arab álemimen, túrki memleketterimen, tipti alys Amerika Qurama Shtattarymen de turaqty ári ózara tiimdi qarym-qatynasty saqtap otyr. Dál qazir de jáne bolashaqta da bizge osyndai basshy qajet», - dep túiindeidi Ermurat Bapi.
