Foto: Májilis
Keshe qazaqstandyqtar Táýelsizdik kúnin atap ótti. Alaida áleýmettik jeliler men qoǵamdyq pikir alańdarynda jyl saiyn «Táýelsizdik kúni laiyqty deńgeide atap ótilmeidi, azattyq ideiasy tereń ashylmaidy» dep qynjdylys bildiretinder kezdesedi. Syn aitýshylardyń arasynda eldiń potriottyǵyn kóterip, ulttyń rýhyn oiatatyn merekelik bezendirý, atmosfera jetkiliksiz deitinder bar. Osy kúni Almaty siiaqty iri qalalardyń kóshelerinde tártip saqshylary kóbeiip, olar ár buryshty jiti baqylaýda ustap turatyny belgidi. Bul merekelik kóńil kúidi basyp, turǵyndardyń úreiin oiatpai ma? Ult.kz tilshisi Májilis depýtaty Ermurat Bapidan osyny surap bildi.
Depýtat Táýelsizdik kúni óz dárejesinde toilanbaidy degenmen kelispeidi, biraq:
«Ol Respýblika kúniniń qaltarysynda qalyp qoiýy múmkin. Qazir Respýblika kúni birinshi toilanady da, odan bir aidan keiin Táýelsizdik kúni keledi. Osy turǵyda salystyrmaly túrde aitatyn shyǵar. Respýblika kúninde marapattaý, basqa da memlekettik dárejede is-sharalar bolady. Meniń oiymsha keiin Táýelsizdik kúni men Jeltoqsan ekeýi birigip, ulttyq dárejede aýqymdy túrde atalyp ótiletin bolady dep oilaimyn», ‒ deidi depýtat.
«Shash al dese, bas alady»
Biylǵy Táýelsizdik kúni merekesinde Qazaqstannyń birqatar qalalarynda politsiia avtokólikterine tý ilgen azamattardy toqtatyp, aiyppul salý faktileri tirkeldi. Turǵyndar bul jaǵdai merekelik kóńil kúidi buzdy dep eseptedi.
Foto: Videodan skrinshot
Al depýtat Ermurat Bapi buǵan qatysty berilgen tapsyrmalar aiasynda kúsh qurylymdary jaǵdaidy tym asyra baǵalap jibergen degen pikirde.
«Qazaqta sóz bar ǵoi, «shash al dese, bas alady» degen. Jeltoqsanǵa bailanysty tiisti quzyretti, kúsh qurylymdaryna tapsyrma berildi. Onyń ústine, Ábliazovshylardyń mitingisi jóninde habar tarady. Qoǵamda tolqý jáne neshe túrli oqiǵalar bolyp qalýy jóninde tapsyrmalar berildi. Ony kúsh qurylymdary aldy da, tý kótergenniń bárine birdei aiyppul saldy», ‒ dedi E. Bapi.
Almaty ‒ qoǵamdyq-saiasi, azamattyq dárejede belsendi qala
«Nege ásirese Almaty kóshelerinde osy kúni politsiia kóbeiip ketedi?» ‒ degen tilshimizdiń suraǵyna májilismen:
«Sebebi Almaty bizdiń eldegi eń negizgi qoǵamdyq-saiasi qala. Bizdiń elimizde basqa megapoliste qoǵamdyq-saiasi, azamattyq dárejede belsendi qala kóp emes. Jalpy eldiń mádeni-rýhani, sana, tanym, túisik dárejesindegi astanasy bolǵandyqtan ol solai», ‒ dep jaýap berdi depýtat.
Osy rette Ult.kz tilshisi: «Sonda politsiia halyqtyń qoǵamdyq-saiasi belsendiligin basý úshin tur ma?» ‒ dep surady.
«Politsiia ne úshin turǵanyn men bilmeimin, biraq osy meiram kúnderi kúsheitilgen rejimde jumys isteýi úshin tapsyrma berildi. Al politseiler tý ustap kele jatqandardy toqtatyp, olardy jazaǵa buiyryp jatyr. Ol sanaǵa syimaityn masqaralyq», ‒ dedi.
Depýtat Ermurat Bapi bul merekelik kóńil kúidi basyp, turǵyndardyń úreiin kótermeidi dep esepteidi eken. Ol:
«Bizdiń halyq ne kórmedi? Bizdiń halyq Qańtardy da, Jeltoqsandy da, Jańaózendi de kórdi. Odan artyq qandai úrei bolýy múmkin?» ‒ dedi ol.
