فوتو: مەجٸلٸس
كەشە قازاقستاندىقتار تەۋەلسٸزدٸك كٷنٸن اتاپ ٶتتٸ. الايدا ەلەۋمەتتٸك جەلٸلەر مەن قوعامدىق پٸكٸر الاڭدارىندا جىل سايىن «تەۋەلسٸزدٸك كٷنٸ لايىقتى دەڭگەيدە اتاپ ٶتٸلمەيدٸ, ازاتتىق يدەياسى تەرەڭ اشىلمايدى» دەپ قىنجدىلىس بٸلدٸرەتٸندەر كەزدەسەدٸ. سىن ايتۋشىلاردىڭ اراسىندا ەلدٸڭ پوتريوتتىعىن كٶتەرٸپ, ۇلتتىڭ رۋحىن وياتاتىن مەرەكەلٸك بەزەندٸرۋ, اتموسفەرا جەتكٸلٸكسٸز دەيتٸندەر بار. وسى كٷنٸ الماتى سيياقتى ٸرٸ قالالاردىڭ كٶشەلەرٸندە تەرتٸپ ساقشىلارى كٶبەيٸپ, ولار ەر بۇرىشتى جٸتٸ باقىلاۋدا ۇستاپ تۇراتىنى بەلگٸدٸ. بۇل مەرەكەلٸك كٶڭٸل كٷيدٸ باسىپ, تۇرعىنداردىڭ ٷرەيٸن وياتپاي ما? Ult.kz تٸلشٸسٸ مەجٸلٸس دەپۋتاتى ەرمۇرات باپيدان وسىنى سۇراپ بٸلدٸ.
دەپۋتات تەۋەلسٸزدٸك كٷنٸ ٶز دەرەجەسٸندە تويلانبايدى دەگەنمەن كەلٸسپەيدٸ, بٸراق:
«ول رەسپۋبليكا كٷنٸنٸڭ قالتارىسىندا قالىپ قويۋى مٷمكٸن. قازٸر رەسپۋبليكا كٷنٸ بٸرٸنشٸ تويلانادى دا, ودان بٸر ايدان كەيٸن تەۋەلسٸزدٸك كٷنٸ كەلەدٸ. وسى تۇرعىدا سالىستىرمالى تٷردە ايتاتىن شىعار. رەسپۋبليكا كٷنٸندە ماراپاتتاۋ, باسقا دا مەملەكەتتٸك دەرەجەدە ٸس-شارالار بولادى. مەنٸڭ ويىمشا كەيٸن تەۋەلسٸزدٸك كٷنٸ مەن جەلتوقسان ەكەۋٸ بٸرٸگٸپ, ۇلتتىق دەرەجەدە اۋقىمدى تٷردە اتالىپ ٶتٸلەتٸن بولادى دەپ ويلايمىن», ‒ دەيدٸ دەپۋتات.
«شاش ال دەسە, باس الادى»
بيىلعى تەۋەلسٸزدٸك كٷنٸ مەرەكەسٸندە قازاقستاننىڭ بٸرقاتار قالالارىندا پوليتسييا اۆتوكٶلٸكتەرٸنە تۋ ٸلگەن ازاماتتاردى توقتاتىپ, ايىپپۇل سالۋ فاكتٸلەرٸ تٸركەلدٸ. تۇرعىندار بۇل جاعداي مەرەكەلٸك كٶڭٸل كٷيدٸ بۇزدى دەپ ەسەپتەدٸ.
فوتو: ۆيدەودان سكرينشوت
ال دەپۋتات ەرمۇرات باپي بۇعان قاتىستى بەرٸلگەن تاپسىرمالار اياسىندا كٷش قۇرىلىمدارى جاعدايدى تىم اسىرا باعالاپ جٸبەرگەن دەگەن پٸكٸردە.
«قازاقتا سٶز بار عوي, «شاش ال دەسە, باس الادى» دەگەن. جەلتوقسانعا بايلانىستى تيٸستٸ قۇزىرەتتٸ, كٷش قۇرىلىمدارىنا تاپسىرما بەرٸلدٸ. ونىڭ ٷستٸنە, ەبليازوۆشىلاردىڭ ميتينگٸسٸ جٶنٸندە حابار تارادى. قوعامدا تولقۋ جەنە نەشە تٷرلٸ وقيعالار بولىپ قالۋى جٶنٸندە تاپسىرمالار بەرٸلدٸ. ونى كٷش قۇرىلىمدارى الدى دا, تۋ كٶتەرگەننٸڭ بەرٸنە بٸردەي ايىپپۇل سالدى», ‒ دەدٸ ە. باپي.
الماتى ‒ قوعامدىق-ساياسي, ازاماتتىق دەرەجەدە بەلسەندٸ قالا
«نەگە ەسٸرەسە الماتى كٶشەلەرٸندە وسى كٷنٸ پوليتسييا كٶبەيٸپ كەتەدٸ?» ‒ دەگەن تٸلشٸمٸزدٸڭ سۇراعىنا مەجٸلٸسمەن:
«سەبەبٸ الماتى بٸزدٸڭ ەلدەگٸ ەڭ نەگٸزگٸ قوعامدىق-ساياسي قالا. بٸزدٸڭ ەلٸمٸزدە باسقا مەگاپوليستە قوعامدىق-ساياسي, ازاماتتىق دەرەجەدە بەلسەندٸ قالا كٶپ ەمەس. جالپى ەلدٸڭ مەدەني-رۋحاني, سانا, تانىم, تٷيسٸك دەرەجەسٸندەگٸ استاناسى بولعاندىقتان ول سولاي», ‒ دەپ جاۋاپ بەردٸ دەپۋتات.
وسى رەتتە Ult.kz تٸلشٸسٸ: «سوندا پوليتسييا حالىقتىڭ قوعامدىق-ساياسي بەلسەندٸلٸگٸن باسۋ ٷشٸن تۇر ما?» ‒ دەپ سۇرادى.
«پوليتسييا نە ٷشٸن تۇرعانىن مەن بٸلمەيمٸن, بٸراق وسى مەيرام كٷندەرٸ كٷشەيتٸلگەن رەجيمدە جۇمىس ٸستەۋٸ ٷشٸن تاپسىرما بەرٸلدٸ. ال پوليتسەيلەر تۋ ۇستاپ كەلە جاتقانداردى توقتاتىپ, ولاردى جازاعا بۇيىرىپ جاتىر. ول ساناعا سىيمايتىن ماسقارالىق», ‒ دەدٸ.
دەپۋتات ەرمۇرات باپي بۇل مەرەكەلٸك كٶڭٸل كٷيدٸ باسىپ, تۇرعىنداردىڭ ٷرەيٸن كٶتەرمەيدٸ دەپ ەسەپتەيدٸ ەكەن. ول:
«بٸزدٸڭ حالىق نە كٶرمەدٸ? بٸزدٸڭ حالىق قاڭتاردى دا, جەلتوقساندى دا, جاڭاٶزەندٸ دە كٶردٸ. ودان ارتىق قانداي ٷرەي بولۋى مٷمكٸن?» ‒ دەدٸ ول.
