Qazaqstan Prezidenti Qasym-Jomart Toqaev qorǵanys ministri Nurlan Ermekbaevtyń otstavkaǵa ketýi týraly jarlyqqa qol qoidy, - dep habarlaidy "Ult aqparat" Aqorda baspasóz qyzmetine silteme jasap.
"Memleket basshysynyń Jarlyǵymen Nurlan Baiuzaquly Ermekbaev Qazaqstan Respýblikasynyń Qorǵanys ministri laýazymynan bosatyldy", - delingen habarlamada.
Eske salaiyq, 26 tamyzda Jambyl oblysy Baizaq aýdanynda ornalasqan áskeri bólimde saǵat 19.00 shamasynda qoimalardyń biriniń janynda órt shyqqan. Órt saldarynan anyqtalmaǵan zattar jarylǵan. Ermekbaevtyń jumysy kezinde mundai jaǵdai ekinshi ret qaitalanyp otyr. 2019 jyly Arysta joiqyn jarylystar bolǵan edi.
Buǵan deiin Qorǵanys ministri Nurlan Ermekbaev Jambyl oblysynda bolǵan jarylystardan keiin otstavkaǵa ketetini habarlanǵan bolatyn.
