قازاقستان پرەزيدەنتٸ قاسىم-جومارت توقاەۆ قورعانىس مينيسترٸ نۇرلان ەرمەكباەۆتىڭ وتستاۆكاعا كەتۋٸ تۋرالى جارلىققا قول قويدى, - دەپ حابارلايدى "ۇلت اقپارات" اقوردا باسپاسٶز قىزمەتٸنە سٸلتەمە جاساپ.
"مەملەكەت باسشىسىنىڭ جارلىعىمەن نۇرلان بايۇزاقۇلى ەرمەكباەۆ قازاقستان رەسپۋبليكاسىنىڭ قورعانىس مينيسترٸ لاۋازىمىنان بوساتىلدى", - دەلٸنگەن حابارلامادا.
ەسكە سالايىق, 26 تامىزدا جامبىل وبلىسى بايزاق اۋدانىندا ورنالاسقان ەسكەري بٶلٸمدە ساعات 19.00 شاماسىندا قويمالاردىڭ بٸرٸنٸڭ جانىندا ٶرت شىققان. ٶرت سالدارىنان انىقتالماعان زاتتار جارىلعان. ەرمەكباەۆتىڭ جۇمىسى كەزٸندە مۇنداي جاعداي ەكٸنشٸ رەت قايتالانىپ وتىر. 2019 جىلى ارىستا جويقىن جارىلىستار بولعان ەدٸ.
بۇعان دەيٸن قورعانىس مينيسترٸ نۇرلان ەرمەكباەۆ جامبىل وبلىسىندا بولعان جارىلىستاردان كەيٸن وتستاۆكاعا كەتەتٸنٸ حابارلانعان بولاتىن.
