Aqmola oblysynyń ákimi Ermek Marjyqpaev Úkimettiń keńeitilgen otyrysynda alǵa qoiǵan mindetterdi talqylaý boiynsha ótken oblys aktivi jinalysyn ótkizdi, dep habarlaidy "QazAqparat" oblystyq ishki saiasat basqarmasyna silteme jasap.
Jiynda oblys ákimi óńirdegi birinshi jartyjyldyqta halyqtyń tabysyn arttyrý jáne ómir súrý sapasyn jaqsartý boiynsha atqarylyp jatqan jumystar týraly aitty.
«5 600 jumys berýshi eń tómengi eńbekaqy alatyn jumysshylardyń ailyǵyn 15-40 paiyzǵa arttyrdy. Bul iaǵni, kásiporyndardaǵy 39 myń jumysshy. Jalpy, biýdjet mekemelerindegi tómen eńbekaqy alatyn 32 myń jumysshynyń ailyǵy ortasha 35 paiyzǵa ósti. Maýsymnyń 1-nen bastap, biýdjettik mekemede eńbek etetin 56 myń jumysshynyń eńbekaqysy 30 paiyzǵa kóterildi», - dep atap ótti aimaq basshysy.
Ermek Marjyqpaevtyń aitýynsha, oblysta baspanamen qamtý, aýyl jáne qala infraqurylymyn damytý máseleleri birtindep sheshilip jatyr.
«Nurly jer» baǵdarlamasy boiynsha kóppáterli 35 turǵyn úidiń salynyp jatyr. 2019 jyly 5 myńnan astam páter qurylysy aiaqtalýy tiis bolsa, qazir olardyń 2,3 myńnan astamy paidalanýǵa berilgen.
«Biylǵy jyly halyqty áleýmettik jaǵynan osal toptaryna jaldamaly páter qorynan 526 páter bólý josparlanǵan bolsa, qazir kópbalaly jáne ózge sanattaǵy barlyǵy 195 otbasy baspanaly boldy», dep túiindedi aimaq basshysy.
