Foto:"Ulttyq jáne at sport túrleri ortalyǵynyń" baspasóz qyzmeti
60 keli salmaqta synǵa túsken Qazaqstan ulttyq quramasynyń sportshysy Ermek Quralbai altyn medalǵa ie boldy, dep habarlaidy "Ult Aqparat" "Ulttyq jáne at sport túrleri ortalyǵynyń" baspasóz qyzmetine silteme jasap.
Ermek Quralbai finalda Qyrǵyzstan sportshysyn jeńdi.
«Jaqsy daiyndyqpen keldim. Finaldaǵy qarsylasym – byltyr at ústindegi kúresten 60 kelide chempion bolǵan qyrǵyz palýany. El namysyn qorǵap, birinshi oryn alamyz dep úmittengen edim. Senimdi aqtaǵanyma qýanyshtymyn», – dedi aýdaryspaqtan ulttyq qurama sportshysy Ermek Quralbai.
«Qazanat» ippodromy mańyndaǵy etnoaýylda ótip jatqan aýdaryspaqtan básekege 9 memleketten, 64 sportshy tirkeldi. Olar: Qazaqstan, Qyrǵyzstan, Ózbekstan, Mońǵoliia, Túrkiia, Vengriia, Qytai, AQSh jáne Resei. 10 qyrkúiekte Esimhan Rahmatillá, Syrym Izbasarov jáne Birjan Qosaliev synǵa túsedi.
