Qostanai oblysynda qyzmet barysynda mert bolǵan tártip saqshysy Darhan Bazarbaevty aqtyq saparǵa shyǵaryp salý rásimi ótti, dep habarlaidy "Ult aqparat".
Qostanai oblysynyń Áýliekól aýdanynda politsei Darhan Bazarbaevty sońǵy saparǵa shyǵaryp saldy. Qaraly jiynǵa Ishki ister ministriniń orynbasary Aleksei Kalaichidi, general-maiory Ómirzaq Bolsambekov jáne oblys basshylyǵy keldi.
«Ókinishke qarai, egemendik alǵan jyldardan beri qyzmettik boryshyn atqarý barysynda 791 politsiia qyzmetkeri mert boldy. Darhannyń mezgilsiz qazasy sizderdiń ǵana emes, kúlli eldiń ortaq qaiǵysy. Ishki ister ministrligi aldaǵy ýaqytta marqumnyń otbasyna qoldaý kórsetetin bolady. Beibit ómir kúzetinde naǵyz erliktiń úlgisin kórsetken Darhan Bazarbaevtyń esimi Qazaqstan politsiiasynyń tarihynda máńgi qalady», – dedi ministrdiń orynbasary.
Qaraly jiynnan soń boryshyn atqarý kezinde qaza bolǵan politsei Darhan Bazarbaev III dárejeli «Aibyn» ordenimen marapattaldy. Ishki ister ministriniń orynbasary Aleksei Kalaichidi memlekettik marapatty batyrdyń otbasyna tapsyrdy.
Sondai-aq, Darhan Bazarbaevtyń otbasyna Qostanai qalasynan páter beriledi. Bul týraly oblys ákimi Arhimed Muhambetov málim etti.
«Batyrymyzdyń otbasyna Qostanai qalasynan bir bólmeli páter beriledi. Budan basqa da qoldan kelgen kómegimizdi aiamaimyz. Jergilikti aqtarýshy bilik bul jaitty nazarǵa alady. Onyń qazasy barsha qazaq eliniń qaiǵysy», - dedi oblys ákimi.
Eske salaiyq, Darhan Bazarbaev 19 qańtar kúni qyzmetin atqarý kezinde mert boldy.
QR Prezidenti Qasym-Jomart Toqaev Darhan Bazarbaevty III dárejeli «Aibyn» ordenimen nagradtady.
QR Ishki ister ministri Erlan Turǵymbaev Darhan Bazarbaevtyń otbasyna qajetti kómek kórsetiletinin aitty.
