قوستاناي وبلىسىندا قىزمەت بارىسىندا مەرت بولعان تەرتٸپ ساقشىسى دارحان بازارباەۆتى اقتىق ساپارعا شىعارىپ سالۋ رەسٸمٸ ٶتتٸ, دەپ حابارلايدى "ۇلت اقپارات".
قوستاناي وبلىسىنىڭ ەۋليەكٶل اۋدانىندا پوليتسەي دارحان بازارباەۆتى سوڭعى ساپارعا شىعارىپ سالدى. قارالى جيىنعا ٸشكٸ ٸستەر مينيسترٸنٸڭ ورىنباسارى الەكسەي كالايچيدي, گەنەرال-مايورى ٶمٸرزاق بولسامبەكوۆ جەنە وبلىس باسشىلىعى كەلدٸ.
«ٶكٸنٸشكە قاراي, ەگەمەندٸك العان جىلداردان بەرٸ قىزمەتتٸك بورىشىن اتقارۋ بارىسىندا 791 پوليتسييا قىزمەتكەرٸ مەرت بولدى. دارحاننىڭ مەزگٸلسٸز قازاسى سٸزدەردٸڭ عانا ەمەس, كٷللٸ ەلدٸڭ ورتاق قايعىسى. ٸشكٸ ٸستەر مينيسترلٸگٸ الداعى ۋاقىتتا مارقۇمنىڭ وتباسىنا قولداۋ كٶرسەتەتٸن بولادى. بەيبٸت ٶمٸر كٷزەتٸندە ناعىز ەرلٸكتٸڭ ٷلگٸسٸن كٶرسەتكەن دارحان بازارباەۆتىڭ ەسٸمٸ قازاقستان پوليتسيياسىنىڭ تاريحىندا مەڭگٸ قالادى», – دەدٸ مينيستردٸڭ ورىنباسارى.
قارالى جيىننان سوڭ بورىشىن اتقارۋ كەزٸندە قازا بولعان پوليتسەي دارحان بازارباەۆ ٸٸٸ دەرەجەلٸ «ايبىن» وردەنٸمەن ماراپاتتالدى. ٸشكٸ ٸستەر مينيسترٸنٸڭ ورىنباسارى الەكسەي كالايچيدي مەملەكەتتٸك ماراپاتتى باتىردىڭ وتباسىنا تاپسىردى.
سونداي-اق, دارحان بازارباەۆتىڭ وتباسىنا قوستاناي قالاسىنان پەتەر بەرٸلەدٸ. بۇل تۋرالى وبلىس ەكٸمٸ ارحيمەد مۇحامبەتوۆ مەلٸم ەتتٸ.
«باتىرىمىزدىڭ وتباسىنا قوستاناي قالاسىنان بٸر بٶلمەلٸ پەتەر بەرٸلەدٸ. بۇدان باسقا دا قولدان كەلگەن كٶمەگٸمٸزدٸ ايامايمىز. جەرگٸلٸكتٸ اقتارۋشى بيلٸك بۇل جايتتى نازارعا الادى. ونىڭ قازاسى بارشا قازاق ەلٸنٸڭ قايعىسى», - دەدٸ وبلىس ەكٸمٸ.
ەسكە سالايىق, دارحان بازارباەۆ 19 قاڭتار كٷنٸ قىزمەتٸن اتقارۋ كەزٸندە مەرت بولدى.
قر پرەزيدەنتٸ قاسىم-جومارت توقاەۆ دارحان بازارباەۆتى ٸٸٸ دەرەجەلٸ «ايبىن» وردەنٸمەن ناگرادتادى.
قر ٸشكٸ ٸستەر مينيسترٸ ەرلان تۇرعىمباەۆ دارحان بازارباەۆتىڭ وتباسىنا قاجەتتٸ كٶمەك كٶرسەتٸلەتٸنٸن ايتتى.
