Foto: ashyq derekkóz
Bloger ári ánshi Zańǵar Nurtas áleýmettik jelidegi jazbasynda aǵasy Qairat Nurtastyń jeke ómirine qatysty túrli pikir aityp, otbasyna aralasatyn jandarǵa óz kózqarasyn bildirdi, dep habarlaidy Ult.kz MadeniPortal.kz saityna silteme jasap.
Onyń aitýynsha, sońǵy kezderi adamdar jeke hattar arqyly aǵasynyń otbasylyq máselelerine qatysty oilaryn jii bildiretin bolǵan.
«Osyndai hattar jiilep ketti. Árkimniń óz pikiri bolýy zańdylyq, biraq bireýdiń jeke ómirine aralasý – durys emes. Ol otbasynda ne bolyp jatqanyn naqty bilmei jatyp syrttai baǵa berý orynsyz dep esepteimin. Ózim de otbasymda tatýlyq pen tynyshtyq bolǵanyn qalaimyn. Qazaqta “eki jastyń arasyna ara túsken ońbaidy” degen sóz bar, sony esten shyǵarmaǵan jón», – dedi ol.
Sondai-aq Zańǵar halyq arasynda aitylatyn Qairat Nurtastyń tabysy men olardyń ómir súrý deńgeiine qatysty syndarǵa da toqtaldy.
«Keibireýler “Qairat bárine ata-anasynyń arqasynda jetti” dep jatady. Biz, rasynda, tarshylyq kórmedik. Biraq bul – aldymen Allanyń, sodan keiin ata-anamyz ben aǵamyzdyń eńbeginiń nátijesi. Olar bizge daiyn dúnie emes, ómir súrýge qajetti baǵyt kórsetti. Qalai kún kórip júrgenimdi meniń jaqyndarym jaqsy biledi. Árine, bárine birdei túsindirý mindet emes, biraq keibir sózder júikege áser etetini ras. Sondyqtan túsinistikpen qaraǵandaryńyzdy qalaimyn», – dep jazdy bloger.
Ol óz jazbasynyń sońynda jurtshylyqqa aitylǵan pikirlerdiń ósip kele jatqan urpaqqa áseri bolýy múmkin ekenin de eske saldy.
«Kópshilik aldynda júrgen soń, ár sózge tosqaýyl qoiý qiyn. Biraq biz de, aǵalarymyz da – ósip kele jatqan balalardyń ata-anasymyz. Solardyń sanasyna keri áser etetin pikirler aitylmasa eken deimiz. Bárińiz bala tárbielep otyrǵan jandarsyz – sony eskergen durys. Raqmet», – dep túiindedi ol.
Aita keteiik, buǵan deiin Gúlzira Aidarbekova uly Qairattyń úiine kilem tańdaǵan.
