Erlerge qaraǵanda áielder kóp temeki tartatynyn baiqap júrmiz – ministr

Susanne Nilsson. Smoke

Densaýlyq saqtaý ministri Ajar Ǵiniiat elimizde veipterge tyiym salý josparyna qatysty túsinik berdi, dep habarlaidy Kazinform agenttigi.

«Bul baǵyttaǵy qadamdar halyqtyń densaýlyǵyn saqtaýǵa ońtaily áser etedi. Qazir erkekterge qaraǵanda áielder kóp temeki tartatynyn baiqap júrmiz. Áielderdiń temekige táýeldiligi qaýipti. Sebebi ár anaǵa ult densaýlyǵynyń tikelei qatysy bar», – dedi Ajar Ǵiniiat Májiliste tilshiler suraǵyna jaýap bere otyryp.

Sonymen qatar ministr qazir balalar da eresekterge eliktep, atalǵan veipterdi shegip jatqanyn aitty.

«Osy veipti óndirýsheler ózderiniń naryǵyn balalar esebinen keńeitýge tyrysyp jatqan siiaqty kórinedi. Iaǵni hosh iistendirgishterdi, túrli-tústi qaptamalardy paidalanyp jatyr. Qazir álem elderinde bul ziiandy ónimmen kúres úlken máselege ainalǵan. Sebebi halyq densaýlyǵyna eleýli ziian keltirip jatyr», - dedi vedomstvo basshysy.

Buǵan deiin, 11-15 jastaǵy jasóspirimderdiń 10 paiyzy turaqty túrde veip shegetini aitylǵan edi.