QR Ishki ister ministri Erlan Turǵymbaev Ulttyq qoǵamdyq senim keńesiniń múshelerimen kezdesti. Bul týraly QR Prezidentiniń keńesshisi Erlan Karin Telegram kanalynda jazdy, dep habarlaidy "Ult aqparat".
«Búgin QR Ishki ister ministri Erlan Turǵymbaev Ulttyq keńes múshelerimen kezdesti. Bul - keńes músheleriniń tamyz aiynan bergi Úkimet múshelerimen 10-shy kezdesýi. Degenmen, búgingi kezdesý Ishki ister ministrliginiń memlekettik organdar júiesindegi erekshe róli men jaǵdaiyna bailanysty airyqsha boldy. Keńes músheleri muny ishki ister organdarynyń ashyqtyqqa bet alǵanynyń kezekti belgisi jáne IIM-nyń azamattyq belsendilermen ózara is-qimylǵa daiyndyǵy dep qabyldady», - dep jazdy ol.
Erlan Karinniń atap ótýinshe, kezdesý bastalǵan kezde ministr Ishki ister ministrliginiń aǵymdaǵy jumysy jaiynda baiandap, buǵan deiin Ulttyq qoǵamdyq senim keńesi alańynda kóterilgen máselelerdi pysyqtaý qalai júrgizilip jatqanyn aityp berdi. Odan keiin suraq-jaýap sessiiasy ótip, ministr otbasylyq-turmystyq zorlyq-zombylyq, azamattardyń shaǵymdary men ótinishterimen jumys, ýchaskelik politsiia ókilettigi men mártebesi syndy máselelerge qatysty qoiylǵan saýaldarǵa jaýap berdi.
«Tolyqtai alǵanda ashyq ári syndarly áńgimelesý boldy. Keńes músheleri men sarapshylar tek problemalyq máselelerdi kóterip qoimai naqty jobalar men bastamalardy júzege asyrýǵa óz kómekterin de usyndy. Qorytyndysynda ministr mundai kezdesýlerdi turaqty ótkizýge ýáde berdi», - dedi QR Prezidentiniń keńesshisi.
