Mańǵystaý oblysynda «Parlamenttik sailaýdyń mańyzy men ereksheligi» taqyrybynda saraptamalyq talqylaý ótti. Oǵan elimizge tanymal saiasatkerler men qoǵam belsendileri qatysty, dep habarlaidy "Ult aqparat".
Saiasattanýshy, Ulttyq qoǵamdyq senim keńesiniń múshesi Erlan Saiyrov Parlamenttik sailaýdy ótkizýdiń mańyzdy tustaryn atap ótti. Ásirese, sailaýshylardyń naýqan kezinde belsendilik tanytýy mańyzdy ekenin aitty.
«Qazir 12 mln sailaýshy bar. Olardyń barlyǵy kelip daýys beretin bolsa, jaǵdai ózgeshe bolar edi. Bul – sailaý kezindegi negizgi másele. Sailaý naýqany kezinde turǵyndardyń belsendilik tanytýy qashanda ózekti. Ekinshi – baqylaý protsesi. Búginde elimizde baqylaý institýty jaqsy damý ústinde. Qoǵam belsendileri, kásipodaq músheleri jáne taǵy basqalary sailaý protsesin baqylaýǵa qatysyp júr. Bul – durys», - dedi saiasattanýshy.
E. Saiyrovtyń pikirinshe, Qazaqstanda institýtsionaldyq demokratiiany damytý mańyzdy. Sebebi kei memleketterdegi qaqtyǵystardyń týyndaýyna memleket institýttarynyń damymaǵany dálel.
«Pandemiia saldarynan dúniejúzinde «Memleket» degen institýt eki suraqqa jaýap bere almai jatyr. Birinshisi - ádilettilik printsipi. Ekinshisi - teńdik printsipi. Analitikalyq qurylymdardyń esebi boiynsha álem halqynyń 1 paiyzy dúniejúzilik IJÓ 95 paiyzyn alady. AQSh, Frantsiia, Germaniia jalpy Eýropa elderiniń basym kópshiliginde jappai tártipsizdikterdi kórýge bolady. Soǵan sebep biliktegilerdiń joǵaryda aitqan eki máselege jaýap bere almaýynan dep bilemin. Sondyqtan halyqtyń basym kópshiligi narazylyǵyn bildiredi. Dúniejúzinde memlekettik indeksi joǵary esepteletin 9 mln halqy bar Izraildiń ózinde kúnde turǵyndar men politseilerdiń qaqtyǵysy toqtamai tur», - deidi E. Saiyrov.
