ماڭعىستاۋ وبلىسىندا «پارلامەنتتٸك سايلاۋدىڭ ماڭىزى مەن ەرەكشەلٸگٸ» تاقىرىبىندا ساراپتامالىق تالقىلاۋ ٶتتٸ. وعان ەلٸمٸزگە تانىمال ساياساتكەرلەر مەن قوعام بەلسەندٸلەرٸ قاتىستى, دەپ حابارلايدى "ۇلت اقپارات".
ساياساتتانۋشى, ۇلتتىق قوعامدىق سەنٸم كەڭەسٸنٸڭ مٷشەسٸ ەرلان سايىروۆ پارلامەنتتٸك سايلاۋدى ٶتكٸزۋدٸڭ ماڭىزدى تۇستارىن اتاپ ٶتتٸ. ەسٸرەسە, سايلاۋشىلاردىڭ ناۋقان كەزٸندە بەلسەندٸلٸك تانىتۋى ماڭىزدى ەكەنٸن ايتتى.
«قازٸر 12 ملن سايلاۋشى بار. ولاردىڭ بارلىعى كەلٸپ داۋىس بەرەتٸن بولسا, جاعداي ٶزگەشە بولار ەدٸ. بۇل – سايلاۋ كەزٸندەگٸ نەگٸزگٸ مەسەلە. سايلاۋ ناۋقانى كەزٸندە تۇرعىنداردىڭ بەلسەندٸلٸك تانىتۋى قاشاندا ٶزەكتٸ. ەكٸنشٸ – باقىلاۋ پروتسەسٸ. بٷگٸندە ەلٸمٸزدە باقىلاۋ ينستيتۋتى جاقسى دامۋ ٷستٸندە. قوعام بەلسەندٸلەرٸ, كەسٸپوداق مٷشەلەرٸ جەنە تاعى باسقالارى سايلاۋ پروتسەسٸن باقىلاۋعا قاتىسىپ جٷر. بۇل – دۇرىس», - دەدٸ ساياساتتانۋشى.
ە. سايىروۆتىڭ پٸكٸرٸنشە, قازاقستاندا ينستيتۋتسيونالدىق دەموكراتييانى دامىتۋ ماڭىزدى. سەبەبٸ كەي مەملەكەتتەردەگٸ قاقتىعىستاردىڭ تۋىنداۋىنا مەملەكەت ينستيتۋتتارىنىڭ دامىماعانى دەلەل.
«پاندەمييا سالدارىنان دٷنيەجٷزٸندە «مەملەكەت» دەگەن ينستيتۋت ەكٸ سۇراققا جاۋاپ بەرە الماي جاتىر. بٸرٸنشٸسٸ - ەدٸلەتتٸلٸك پرينتسيپٸ. ەكٸنشٸسٸ - تەڭدٸك پرينتسيپٸ. اناليتيكالىق قۇرىلىمداردىڭ ەسەبٸ بويىنشا ەلەم حالقىنىڭ 1 پايىزى دٷنيەجٷزٸلٸك ٸجٶ 95 پايىزىن الادى. اقش, فرانتسييا, گەرمانييا جالپى ەۋروپا ەلدەرٸنٸڭ باسىم كٶپشٸلٸگٸندە جاپپاي تەرتٸپسٸزدٸكتەردٸ كٶرۋگە بولادى. سوعان سەبەپ بيلٸكتەگٸلەردٸڭ جوعارىدا ايتقان ەكٸ مەسەلەگە جاۋاپ بەرە الماۋىنان دەپ بٸلەمٸن. سوندىقتان حالىقتىڭ باسىم كٶپشٸلٸگٸ نارازىلىعىن بٸلدٸرەدٸ. دٷنيەجٷزٸندە مەملەكەتتٸك يندەكسٸ جوعارى ەسەپتەلەتٸن 9 ملن حالقى بار يزرايلدٸڭ ٶزٸندە كٷندە تۇرعىندار مەن پوليتسەيلەردٸڭ قاقتىعىسى توقتاماي تۇر», - دەيدٸ ە. سايىروۆ.
