Foto: kasipodaq.kz
Búgin Memleket basshysy Qasym-Jomart Toqaev Qazaqstan halqyna Joldaý jasap, onda birqatar ózekti máselelerdi aitty. Parlament Májilisiniń depýtaty Erlan Sairovtyń pikirinshe Prezident joldaý arqyly Úkimettiń nazaryn qoǵam problemalaryna aýdaryp otyr.
«Onyń ishinde eń birinshi másele, Qazaqstanda «bankter jóninde» jańa zań qabyldanady. 30 jyl ishinde bankter halyqtyń qanyn súliktei sordy. Elimizde bank salasynda básekelestik bolmaǵandyqtan óte joǵary paiyz qoiyp, halqymyzdyń kóptegen áleýmettik problemalarynyń negizgi qozǵaýshysy boldy. Sonymen birge, Qazaqstannyń bankteri qazirgi ýaqytta naqty sektordy qarjylandyrmai otyr. Endi jańa zańnyń aiasynda bankterde jatqan trillion teńgelerdi Qazaqstannyń naqty sektoryn qarjylandyrýǵa baǵyttaý jáne bankterdiń paiyzyn azaitý, áleýmettik teńdikti qalyptastyrý máselesi tur. Bul bizdiń elimizdiń ekonomikalyq modelin ózgertýde úlken qadam.
Sonymen birge Prezident Toqaev oligarhtarǵa eskertý jasady. Iaǵni qazirgi tańda elimizde kapitaldy qaitarýǵa reestrǵa engen azamattar qarjyny ýaqytyly ózderi qaitarýy kerek. Oligarhtardan qaitqan qarjynyń barlyǵy mektepter men bala baqshalardy, áleýmettik infraqurylymdardy salýǵa jumsalýy qajet jáne egerde sol oligarhtar memleketpen saýdalasatyn bolsa, olarmen áńgime múldem basqasha bolady degen sóz. Bul eskertý nege jasalyp otyr? Óitkeni, kei bir oligarhtar, sonyń ishinde Timýr Qulybaev qazir prokýratýranyń kapitaldy qaitarý jónindegi komitetimen sottasyp jatyr. Bul uiat!» -deidi Erlan Sairov.
Sonymen qatar, depýtattyń pikirinshe Joldaýda aitylǵan túitkildi máselelerdiń biri – salyq saiasaty dep eseptpeidi.
«Ótken jyly Qazaqstannyń Ishki Jalpy Ónimi 5,3 paiyzǵa ósti. Mysaly úshin, basqa elderde JIÓ sondai paiyzǵa ósse onda ol el bailyqqa keneledi. Al Qazaqstanda kerisinshe biyl úlken biýdjet tapshylyǵy bolyp otyr. Biýdjette 3 trln. teńge jetpeidi. Sondyqtan biz salyq júiesin ózgertip, bailar salyqty kóp, ádiletti tóleitindei jaǵdai jasaýymyz kerek. Mine, prezidenttiń aitqany elimizdi ekonomikalyq turǵyda damytýdyń naqty-naqty qadamdary bolyp tabylady», -deidi E. Sairov.
