فوتو: kasipodaq.kz
بٷگٸن مەملەكەت باسشىسى قاسىم-جومارت توقاەۆ قازاقستان حالقىنا جولداۋ جاساپ, وندا بٸرقاتار ٶزەكتٸ مەسەلەلەردٸ ايتتى. پارلامەنت مەجٸلٸسٸنٸڭ دەپۋتاتى ەرلان سايروۆتىڭ پٸكٸرٸنشە پرەزيدەنت جولداۋ ارقىلى ٷكٸمەتتٸڭ نازارىن قوعام پروبلەمالارىنا اۋدارىپ وتىر.
«ونىڭ ٸشٸندە ەڭ بٸرٸنشٸ مەسەلە, قازاقستاندا «بانكتەر جٶنٸندە» جاڭا زاڭ قابىلدانادى. 30 جىل ٸشٸندە بانكتەر حالىقتىڭ قانىن سٷلٸكتەي سوردى. ەلٸمٸزدە بانك سالاسىندا بەسەكەلەستٸك بولماعاندىقتان ٶتە جوعارى پايىز قويىپ, حالقىمىزدىڭ كٶپتەگەن ەلەۋمەتتٸك پروبلەمالارىنىڭ نەگٸزگٸ قوزعاۋشىسى بولدى. سونىمەن بٸرگە, قازاقستاننىڭ بانكتەرٸ قازٸرگٸ ۋاقىتتا ناقتى سەكتوردى قارجىلاندىرماي وتىر. ەندٸ جاڭا زاڭنىڭ اياسىندا بانكتەردە جاتقان تريلليون تەڭگەلەردٸ قازاقستاننىڭ ناقتى سەكتورىن قارجىلاندىرۋعا باعىتتاۋ جەنە بانكتەردٸڭ پايىزىن ازايتۋ, ەلەۋمەتتٸك تەڭدٸكتٸ قالىپتاستىرۋ مەسەلەسٸ تۇر. بۇل بٸزدٸڭ ەلٸمٸزدٸڭ ەكونوميكالىق مودەلٸن ٶزگەرتۋدە ٷلكەن قادام.
سونىمەن بٸرگە پرەزيدەنت توقاەۆ وليگارحتارعا ەسكەرتۋ جاسادى. ياعني قازٸرگٸ تاڭدا ەلٸمٸزدە كاپيتالدى قايتارۋعا رەەسترعا ەنگەن ازاماتتار قارجىنى ۋاقىتىلى ٶزدەرٸ قايتارۋى كەرەك. وليگارحتاردان قايتقان قارجىنىڭ بارلىعى مەكتەپتەر مەن بالا باقشالاردى, ەلەۋمەتتٸك ينفراقۇرىلىمداردى سالۋعا جۇمسالۋى قاجەت جەنە ەگەردە سول وليگارحتار مەملەكەتپەن ساۋدالاساتىن بولسا, ولارمەن ەڭگٸمە مٷلدەم باسقاشا بولادى دەگەن سٶز. بۇل ەسكەرتۋ نەگە جاسالىپ وتىر? ٶيتكەنٸ, كەي بٸر وليگارحتار, سونىڭ ٸشٸندە تيمۋر قۇلىباەۆ قازٸر پروكۋراتۋرانىڭ كاپيتالدى قايتارۋ جٶنٸندەگٸ كوميتەتٸمەن سوتتاسىپ جاتىر. بۇل ۇيات!» -دەيدٸ ەرلان سايروۆ.
سونىمەن قاتار, دەپۋتاتتىڭ پٸكٸرٸنشە جولداۋدا ايتىلعان تٷيتكٸلدٸ مەسەلەلەردٸڭ بٸرٸ – سالىق ساياساتى دەپ ەسەپتپەيدٸ.
«ٶتكەن جىلى قازاقستاننىڭ ٸشكٸ جالپى ٶنٸمٸ 5,3 پايىزعا ٶستٸ. مىسالى ٷشٸن, باسقا ەلدەردە جٸٶ سونداي پايىزعا ٶسسە وندا ول ەل بايلىققا كەنەلەدٸ. ال قازاقستاندا كەرٸسٸنشە بيىل ٷلكەن بيۋدجەت تاپشىلىعى بولىپ وتىر. بيۋدجەتتە 3 ترلن. تەڭگە جەتپەيدٸ. سوندىقتان بٸز سالىق جٷيەسٸن ٶزگەرتٸپ, بايلار سالىقتى كٶپ, ەدٸلەتتٸ تٶلەيتٸندەي جاعداي جاساۋىمىز كەرەك. مٸنە, پرەزيدەنتتٸڭ ايتقانى ەلٸمٸزدٸ ەكونوميكالىق تۇرعىدا دامىتۋدىڭ ناقتى-ناقتى قادامدارى بولىپ تابىلادى», -دەيدٸ ە. سايروۆ.
