Astanada QR Kásipodaqtar federatsiiasy Atqarý komitetiniń kezekti otyrysy ótti, dep habarlaidy "Ult aqparat" mekemeniń baspasóz qyzmetine silteme jasap.
Otyrysta uiymdastyrý máseleleri qaralǵan jáne federatsiia jarǵysyna sáikes, tórt oblystaǵy aýmaqtyq kásipodaqtar birlestikteriniń tóraǵalary sailanǵan.
Osylaisha, ishki kadrlyq aýys-túiis aiasynda saiasattanýshy Erlan Sairov QR Kásipodaqtar federatsiiasy tóraǵasynyń orynbasary bolyp taǵaiyndaldy.
Erlan Biahmetuly Sairov 1970 jyly Shyǵys Qazaqstan oblysynda týǵan. Túrli jyldary QR Mádeniet, aqparat jáne qoǵamdyq kelisim ministrliginde, QR Parlamenti Májilisinde basshylyq laýazymdardy atqarǵan. «Mádeni damý institýty» qoǵamdyq qorynyń ǵylymi jetekshisi, QR Kásipodaqtar federatsiiasy tóraǵasynyń keńesshisi bolǵan.
Buǵan deiin tóraǵa orynbasary bolǵan Gúlnár Jumageldieva QR Kásipodaqtar federatsiiasy tóraǵasynyń keńesshisi qyzmetine aýysty.
Gúlnár Amangeldiqyzy 1974 jyly týǵan. E.Bóketov atyndaǵy Qaraǵandy memlekettik ýniversitetiniń zań fakýltetin bitirgen. Eńbek jolyn Temirtaý qalasyndaǵy «Qaraǵandy oblysy boiynsha jyljymaityn múlik ortalyǵy» RMQK-de zańger qyzmetinen bastaǵan. Ár jyldary «BankTuranÁlem» AQ Qaraǵandy filialynda kepildi múlik mamany, Qaraǵandy oblysy ken-metallýrgiia ónerkásibi qyzmetkerleri kásipodaǵynyń zańger-keńesshisi, «Qazaqstan Halyq banki» AQ Astana filialynda zań bóliminiń jetekshi mamany, QR Kásipodaqtar Federatsiiasy Áleýmettik-ekonomikalyq qorǵaý jáne eńbek inspektsiiasy departamentiniń zań keńesshisi, direktory bolyp qyzmet etken. 2010 jyldyń maýsymynda QR Kásipodaqtar federatsiiasy tóraǵasynyń orynbasary bolyp sailanǵan. Onda jastar, genderlik saiasat, halyqaralyq jumystar, shaǵyn jáne orta bizneste kásipodaqty damytý máselelerine jetekshilik etken.
Soltústik Qazaqstan oblysyndaǵy aýmaqtyq kásipodaqtar birlestiginiń tóraǵasy laýazymyna Erik Nuraqaev taǵaiyndaldy.
Erik Esimuly 1960 jyly Soltústik Qazaqstan oblysynda týǵan. Ár jyldary SQO Aqjar, Esil aýdandarynyń ákimi, Petropavl qalasynyń ákimi, «Nur Otan» partiiasynyń SQO filialynyń jetekshisi, SQO ákiminiń orynbasary bolyp qyzmet etken.
Aqmola oblysynyń aýmaqtyq kásipodaqtar birlestiginiń tóraǵasy laýazymyna Qali Rahmetov bekitildi.
Qali Sultanahmetuly 1961 jyly Aqmola oblysynyń dúniege kelgen. Buǵan deiin Aqmola oblysy, Esil aýdanyndaǵy salyq komitetinde jetekshilik laýazymdarda jumys istegen. Almaty qalasynyń Salyq departamenti Bostandyq aýdany boiynsha salyq basqarmasynyń basshysy bolǵan. Odan bólek, Aqmola oblysy ákiminiń keńesshisi, Esil qalasynyń ákimi bolǵan.
Astana qalasy boiynsha aýmaqtyq kásipodaqtar birlestiginiń tóraǵasy bolyp Tastanbek Esentaev taǵaiyndaldy.
Tastanbek Qutjanuly 1960 jyly Batys Qazaqstan oblysy Oral qalasynda týǵan. Túrli jyldary Qaraǵandy oblysy Týrizm, dene tárbiesi jáne sport basqarmasynyń basshysy, QR Mádeniet jáne sport vitse-ministri, QR Sport jáne dene tárbiesi agenttiginiń tóraǵasy, QR Týrizm jáne sport ministrligi Sport komitetiniń tóraǵasy bolyp eńbek etken.
Jambyl oblysy boiynsha aýmaqtyq kásipodaqtar birlestiginiń tóraǵasy retinde Meirambek Tólepbergen taǵaiyndaldy.
Meirambek Myltyqbaiuly 1957 jyly Jambyl oblysynyń Talas aýdanynda dúniege kelgen. Búgingi kúnge deiin respýblikalyq «Jetisý», «Halyq keńesi», «Egemen Qazaqstan» basylymdarynda jetekshilik qyzmetter atqaryp, «Qazaqstan temir joly» UK» AQ departament direktory, Jambyl oblysy ákiminiń orynbasary bolǵan.
Buǵan deiin Aqmola oblysynyń aýmaqtyq kásipodaqtar birlestiginiń tóraǵasy bolǵan K. Bekishev (1947 jyly týǵan); Soltústik Qazaqstan oblysyndaǵy aýmaqtyq kásipodaqtar birlestiginiń tóraǵasy D. Ahmetova (1954 jyly týǵan), Astana qalasy boiynsha aýmaqtyq kásipodaqtar birlestiginiń tóraǵasy S. Myńbaev (1952 jyly týǵan) zeinetkerlik jasqa tolýyna bailanysty Atqarý komitetiniń sheshimimen qyzmetterinen bosatyldy. Jambyl oblysy boiynsha aýmaqtyq kásipodaqtar birlestiginiń tóraǵasy bolǵan B.Saparbaeva ózge jumysqa aýysýyna bailanysty qyzmetten ketti.
