Memlekettik keńesshi Erlan Qarinniń tóraǵalyǵymen Qazaqstan Respýblikasynyń IýNESKO jáne ISESKO isteri jónindegi ulttyq komissiiasynyń jyl saiynǵy otyrysy ótti, dep habarlaidy ult.kz.
Is-sharaǵa salalyq memlekettik organdardyń ókilderi, sondai-aq Qazaqstandaǵy IýNESKO komitetteriniń jetekshileri men basqa da sarapshylyq qaýymdastyqtarynyń músheleri qatysty.
Otyrysta IýNESKO jáne ISESKO uiymdarymen ózara is-qimyldy damytýdyń basym baǵyttary men aldaǵy josparlary talqylandy. Erlan Qarin Prezidenttiń IýNESKO-men yntymaqtastyqty nyǵaitýǵa aiyryqsha kóńil bólip otyrǵanyn atap ótip, Memleket basshysynyń osy baǵytta bergen tapsyrmalaryn oryndaýdyń mańyzyna toqtaldy.
Jiynda jasandy intellekt salasyndaǵy halyqaralyq ozyq tájiribeni zerdeleý jáne sý máselesine qatysty jahandyq kún tártibin ilgeriletý jóninde naqty mindetter qoiyldy.
Sonymen qatar IýNESKO jáne ISESKO uiymdarynyń Astanada ótken Óńirlik ekologiialyq sammit jáne IýNESKO aiasynda uiymdastyrylǵan Altyn Ordaǵa arnalǵan halyqaralyq simpoziým sekildi mańyzdy is-sharalardy uiymdastyrýǵa qosqan qomaqty úlesi joǵary baǵalandy.
Otyrysqa qatysýshylar aldaǵy is-sharalarǵa daiyndyq máselelerin de pysyqtady. Atap aitqanda, IýNESKO shtab-páterinde opera ánshisi Ermek Serkebaev pen rejisser Abdolla Qarsaqbaevtyń 100 jyldyq mereitoilaryn atap ótý, sondai-aq Pýsan qalasynda uiymdastyrylatyn IýNESKO-nyń Búkilálemdik muralar komitetiniń 48-sessiiasyna qazaqstandyq delegatsiianyń qatysýy sekildi máseleler talqylandy. Atalǵan sessiiada Qazaqstan usynǵan «Mańǵystaýdyń jerasty meshitteri» nominatsiiasy qaralady.
