Burynǵy mádeniet jáne sport vitse-ministri Erlan Qojaǵapanov premer-ministrdiń keńesshisi bolyp taǵaiyndaldy, - dep habarlaidy "Ult aqparat".
"Premer-ministrdiń ókimi boiynsha Erlan Qojaǵapanov premer-ministrdiń keńesshisi qyzmetine taǵaiyndaldy", - delingen habarlamada.
Buǵan deiin Erlan Qojaǵapanovtyń mádeniet jáne sport vitse-ministri qyzmetinen bosatylǵany habarlanǵan bolatyn. Ol biyl 26 sáýirde Qazaqstan mádeniet jáne sport vitse-ministri qyzmetine taǵaiyndalǵan edi.
Erlan Qojaǵapanov 1968 jyly Almaty oblysynda dúniege kelgen. 1992 jyly Bóketov atyndaǵy Qaraǵandy memlekettik ýniversitetin,1999 jyly Abai atyndaǵy Almaty memlekettik ýniversitetin támamdaǵan. 2006 jyly Resei Keden akademiiasyn bitirgen.
Mamandyǵy boiynsha biliktiligi - zańger, ekonomist, qarjyger, keden isiniń mamany. Eńbek jolyn 1989 jyly bastaǵan. 1990-1994 jyldary kásipkerlik qyzmetpen ainalysqan.
1994-2007 jyldary memlekettik organdar men kásiporyndarda jumys istegen. 2007-2013 jyldary Astana qalasy ákiminiń orynbasary qyzmetin atqarǵan.
2013-2016 jyldary QR Sport jáne dene shynyqtyrý isteri agenttiginiń tóraǵasy, QR Fýtbol federatsiiasynyń prezidenti qyzmetterin atqarǵan. 2016 jylǵy jeltoqsannan bastap 2017 jylǵy qarasha aralyǵynda QR premer-ministri keńesshisiniń m. a., keńesshisi qyzmetin atqarǵan. 2017-2020 jyldary - QR mádeniet jáne sport vitse-ministri.
2020 jylǵy tamyz aiynan bastap 2021 jyldyń 26 sáýirine deiin Almaty qalasy ákiminiń birinshi orynbasary qyzmetin atqarǵan.
