بۇرىنعى مەدەنيەت جەنە سپورت ۆيتسە-مينيسترٸ ەرلان قوجاعاپانوۆ پرەمەر-مينيستردٸڭ كەڭەسشٸسٸ بولىپ تاعايىندالدى, - دەپ حابارلايدى "ۇلت اقپارات".
"پرەمەر-مينيستردٸڭ ٶكٸمٸ بويىنشا ەرلان قوجاعاپانوۆ پرەمەر-مينيستردٸڭ كەڭەسشٸسٸ قىزمەتٸنە تاعايىندالدى", - دەلٸنگەن حابارلامادا.
بۇعان دەيٸن ەرلان قوجاعاپانوۆتىڭ مەدەنيەت جەنە سپورت ۆيتسە-مينيسترٸ قىزمەتٸنەن بوساتىلعانى حابارلانعان بولاتىن. ول بيىل 26 سەۋٸردە قازاقستان مەدەنيەت جەنە سپورت ۆيتسە-مينيسترٸ قىزمەتٸنە تاعايىندالعان ەدٸ.
ەرلان قوجاعاپانوۆ 1968 جىلى الماتى وبلىسىندا دٷنيەگە كەلگەن. 1992 جىلى بٶكەتوۆ اتىنداعى قاراعاندى مەملەكەتتٸك ۋنيۆەرسيتەتٸن,1999 جىلى اباي اتىنداعى الماتى مەملەكەتتٸك ۋنيۆەرسيتەتٸن تەمامداعان. 2006 جىلى رەسەي كەدەن اكادەميياسىن بٸتٸرگەن.
ماماندىعى بويىنشا بٸلٸكتٸلٸگٸ - زاڭگەر, ەكونوميست, قارجىگەر, كەدەن ٸسٸنٸڭ مامانى. ەڭبەك جولىن 1989 جىلى باستاعان. 1990-1994 جىلدارى كەسٸپكەرلٸك قىزمەتپەن اينالىسقان.
1994-2007 جىلدارى مەملەكەتتٸك ورگاندار مەن كەسٸپورىنداردا جۇمىس ٸستەگەن. 2007-2013 جىلدارى استانا قالاسى ەكٸمٸنٸڭ ورىنباسارى قىزمەتٸن اتقارعان.
2013-2016 جىلدارى قر سپورت جەنە دەنە شىنىقتىرۋ ٸستەرٸ اگەنتتٸگٸنٸڭ تٶراعاسى, قر فۋتبول فەدەراتسيياسىنىڭ پرەزيدەنتٸ قىزمەتتەرٸن اتقارعان. 2016 جىلعى جەلتوقساننان باستاپ 2017 جىلعى قاراشا ارالىعىندا قر پرەمەر-مينيسترٸ كەڭەسشٸسٸنٸڭ م. ا., كەڭەسشٸسٸ قىزمەتٸن اتقارعان. 2017-2020 جىلدارى - قر مەدەنيەت جەنە سپورت ۆيتسە-مينيسترٸ.
2020 جىلعى تامىز ايىنان باستاپ 2021 جىلدىڭ 26 سەۋٸرٸنە دەيٸن الماتى قالاسى ەكٸمٸنٸڭ بٸرٸنشٸ ورىنباسارى قىزمەتٸن اتقارعان.
