Ulytaý óńirin zertteý jumystary qolǵa alyndy. Bul týraly búgin Aqordada ótken Rýhani jańǵyrý jónindegi ulttyq komissiia otyrysynan keiin BAQ ókilderine suhbat bergen Qaraǵandy oblysynyń ákimi Erlan Qoshanov aitty, dep habarlaidy Ult.kz tilshisi QazAqparat agenttigine silteme jasap.
«Qaraǵandy oblysynda Elbasynyń «Bolashaqqa baǵdar: Rýhani jańǵyrý» maqalasy boiynsha aýqymdy jumystar bastalyp ketti. Biz osy maqalanyń ishindegi oilardyń qanshalyqty tereń ekendigin iske asyrý barysynda sezine bastadyq. Birinshiden, ziialy qaýym, qoǵam, kásipkerler osy bastamany tolyqtai qoldap otyr. Máselen, «Týǵan jerge taǵzym» baǵdarlamasy aiasynda kásipkerlerimiz qazirgi ýaqytta júzdegen million teńgege áleýmettik nysandar salýda. Ózderi týǵan jerlerine de kómek kórsetýde», - dedi oblys ákimi.
Qoshanov Qaraǵandy oblysy kieli jerlerge óte bai ekendigin de basa aitty.
«Onyń ishinde Memleket basshysynyń maqalasynda aitylǵan Ulytaý óńiri de bar. Bul bizge úlken jaýapkershilik júkteidi. Sondyqtan Ulytaýdy damytý, ony ary qarai nasihattap, zertteý boiynsha naqty jumystardy bastap kettik. Aýqymdy josparlarymyz da bar»,- dedi óńir basshysy.
